Ilon Maskning SpaceX kompaniyasi 2025-yilda taxminan 15,5 milliard dollar daromad olishi kutilmoqda. Bu haqda Reuters xabar berdi.
Milliarder 3-iyun kuni kompaniyaning kosmosdan oladigan tijoriy daromadi 2026-yili NASAning taxminan 1,1 milliard dollarlik byudjetidan oshib ketishini ta’kidlagan. SpaceX daromad olishda tejamkor uchirish xizmatlari va sun’iy yo‘ldosh aloqalariga tayangan.
Kompaniya 122 metr balandlikka ega Starship raketa tizimini ishlab chiqmoqda. Maskga ko‘ra, bu odamlarni Marsga yuborishda muhim rol o‘ynaydi. Kompaniyaning qayta ishlatiladigan Falcon 9 va Falcon Heavy raketalari uchirish xarajatlarini sezilarli darajada kamaytirgan. Bu esa SpaceX’ga global uchirish bozorida sezilarli ulushga ega bo‘lish imkonini bergan.
2024-yilda SpaceX 134 ta Falcon parvozi bilan rekord o‘rnatib, dunyodagi eng faol parvoz operatoriga aylangandi. Kompaniya bu rekordni yil oxirigacha 170 ta parvoz bilan yangilashni maqsad qilgan. Shunga qaramay, ЅpaceX’ning daromadi asosan sun’iy yo‘ldoshli internet xizmati Starlink hisobiga to‘g‘ri keladi. Mask bu xizmat ommaviy bo‘lishini ma’lum qilgan, ammo qachonligi haqida ma’lumot bermagan.
Ma’lumot o‘rnida, SpaceX AQSH prezidenti Donald Trampning “Oltin gumbaz” raketaga qarshi mudofaa qalqonining muhim qismini qo‘lga kiritishda yetakchiga aylangan.
Izoh (0)