Falcon 9 raketasi global Internet qamrov tarmog‘ining orbital turkumini to‘ldirish uchun 48 ta mini-sun’iy yo‘ldoshning navbatdagi partiyasini muvaffaqiyatli olib chiqdi, deb xabar berdi SpaceX.
“48 ta Starlink sun’iy yo‘ldoshining fazoga chiqishi tasdiqlandi”, — deyiladi xabarda.
Uchirish 7-iyul juma kuni Kaliforniyadagi AQSH kosmik kuchlarining Vandenberg bazasidagi SLC-4E uchish maydonchasidan amalga oshirildi.
Bu Starlink loyihasi doirasida 2019-yilning may oyidan beri internet sun’iy yo‘ldoshlarining 92-marta, joriy yil boshidan beri esa 23-marta uchirilishi bo‘ldi.
Hozirgi uchirilish hisobga olinsa, SpaceX allaqachon orbitaga ushbu sun’iy yo‘ldoshlarning 4,7 mingdan ortig‘ini olib chiqqan. Ulardan ba’zilari muvaffaqiyatsizlikka uchradi yoki orbitadan chiqib ketdi. 4,4 mingdan ortiq qurilmalar faol holatda qolmoqda.
Uchirish doirasida 12-marta uchirishda foydalanilgan raketaning qayta foydalanish mumkin bo‘lgan birinchi bosqichi Tinch okeanida joylashgan Of course I Still Love You dron platformasiga boshqariladigan vertikal qo‘nishni amalga oshirdi.
Izoh (0)