Amerika kosmik agentligi (NASA) Crew Dragon kemasini 30-may kuni kosmosga uchirish borasida hozircha yakuniy qaror qabul qilgani yo‘q. Bu haqda NASA direktori Jim Braydenstayn o‘zining Twitter’dagi sahifasiga yozib qoldirdi.
Uning so‘zlariga ko‘ra, agentlik 30-may kuni ertalab Florida shtatining Kanaveral burnidagi ob-havo sharoitlari to‘g‘risidagi yangi ma’lumotlari bilan bo‘lishishi kerak. Dastlabki prognozlar ob-havo yaxshilanganini ko‘rsatsa-da, mutaxassislar kuzatuvlarni davom ettirmoqda.
Ilon Maskning SpaceX kompaniyasi tomonidan yaratilgan Crew Dragon kemasi dastlab 27-may kuni kosmosga uchirilishi kerak edi. Biroq parvozga 15 daqiqa qolganda noqulay ob-havo sharoiti sabab qoldirilgan. Keyingi parvoz Toshkent vaqti bilan 31-may soat 00:32 ga mo‘ljallangan. Amerikalik astronavtlar Bob Benken va Dag Herli parvoz bekor qilingach, yana karantinga qaytgan.
Izoh (0)