SpaceX kosmosda harakatlanish uchun mo‘ljallangan Extravehicular Activity Suit (EVA) skafandrini namoyish qildi. Bu haqda SpaceNews xabar berdi.
Mazkur skafandrlar birinchi marta yaqinlashib kelayotgan Crew Dragon missiyasida qo‘llaniladi. U ochiq kosmosda oson harakatlanishga mo‘ljallangan. Kostyumning modernizatsiya qilingan versiyasida bo‘g‘inlardagi dizayn takomillashtirilgan, u haroratni nazorat qilish va quyoshdan himoya qiluvchi dubulg‘a qoplamasini o‘z ichiga oladi.
Shuningdek, EVA kosmik harakatlanish paytida skafandr holati haqida ma’lumot beruvchi kamera va bosh ekran bilan ta’minlangan. Skafandr Polaris Dawn missiyasi davomida qo‘llaniladi. Missiya ekipaji tarkibida Shift4 Payments asoschisi va bosh direktori, milliarder Jared Ayzekman bo‘ladi.
Izoh (0)