Moskvadagi “Lujniki” stadionida bo‘lib o‘tgan Rossiya Kubogi–2024/25 superfinalida “SSKA” jamoasi “Rostov” ustidan g‘alaba qozonib, kubokni qo‘lga kiritdi. Uchrashuvning asosiy vaqti 0:0 hisobida yakunlandi. G‘olib penaltilar seriyasida aniqlanib, “SSKA” futbolchilari 4:3 hisobida ustun keldi. Ta’kidlash kerakki, uchrashuv davomida Ivan Oblyakov uzoq masofadan gol urgandi, biroq u ofsayd tufayli bekor qilindi. O‘zbekistonlik futbolchi Abbosbek Fayzullayev 73-daqiqada zaxiradan maydonga tushdi. Bu g‘alaba “SSKA” uchun tarixdagi to‘qqizinchi Rossiya Kubogi bo‘ldi. Jamoa bu borada Moskvaning yana bir klubi — “Lokomotiv” bilan tenglashdi. Rossiya Kubogi – Superfinal “Lujniki”, Moskva 1-iyun, yakshanba “Rostov” — “SSKA” 0:0 (penaltilar seriyasi — 3:4).
Mavzuga doir
×![Lightbox Image]()
Izoh (0)