“SSKA” yarim himoyachisi Abbosbek Fayzullayev Rossiya Premyer Ligasining yakunlangan mavsumi bo‘yicha o‘z fikrlari bilan o‘rtoqlashdi. Bu haqda Championat nashri xabar berdi.
Fayzullayevning aytishicha, “armiyachilar” turnir jadvalida uchinchi o‘rinni egallashga to‘liq haqli bo‘lgan.
Menimcha, jamoa mavsumning ikkinchi yarmida juda yaxshi o‘yin ko‘rsatdi. Ikkinchi davrani mag‘lubiyatsiz yakunladik, shuning uchun biz medallarga munosib edik. O‘tgan mavsum biz uchun muvaffaqiyatsiz tugagani bois, bu medal men uchun juda qadrli. Endi oldinda yana bir muhim o‘yinimiz bor — Rossiya Kubogi superfinali. Hozircha butun diqqatimiz ana shu bellashuvga qaratilgan, deydi Fayzullayev.
Eslatib o‘tamiz, 2024/25 yilgi mavsum yakunlariga ko‘ra, “Krasnodar” Rossiya chempioniga aylandi. Ikkinchi o‘rinni “Zenit” egallagan bo‘lsa, “SSKA” kuchli uchlikka yakun yasadi. “Fakel” va “Orenburg” to‘g‘ridan-to‘g‘ri RPLni tark etdi, “Axmat” hamda “Pari NN” jamoalari pley-off bosqichida o‘ynaydi.
Ma‘lumot uchun, “SSKA” 1-iyun kuni Rossiya Kubogi superfinalida “Rostov”ga qarshi maydonga tushadi.
Izoh (0)