Rossiya Premyer Ligasining “Mavsum kashfiyoti” sovriniga nomzodlar e’lon qilindi.
Nomzodlar orasida hozirda “SSKA” sharafini himoya qilayotgan Abbosbek Fayzullayev ham bor.
Abbosbekdan tashqari ushbu sovrin uchun Lukas Olasa, Vitor Tormena (ikkalasi ham “Krasnodar”), Bitello, Luis Chaves (ikkalasi ham “Dinamo”), Viktor Davila, Helven (ikkalasi ham “SSKA”), Mirlind Daku, Igor Vuyachich, Ugochukvu Ivu, Valentin Vada (barchasi “Rubin”), Tamerlan Musayev (“Baltika”/“SSKA”), Straxinya Erakovich (“Zenit”), Srjan Babich, Teo Bongonda (ikkalasi ham “Spartak”), Ilya Vahaniya, Muhammad Mohebi (ikkalasi ham “Rostov”), Nikita Saltikov (“Krilya Sovetov”), Martin Kramarich (“Sochi”) hamda Yevgeniy Latishonok (“Baltika”) kabi futbolchilarning nomzodi qo‘yilgan.
Jurnalist va blogerlar ushbu ro‘yxatdan 5 nafar futbolchini tanlab oladi, shundan so‘ng 2-may kuni start oladigan yakuniy ovoz berish jarayonida 3 nafar futbolchi nomzodi qoladi.
Abbosbek joriy mavsum “SSKA” safida barcha musobaqalarda 26 ta o‘yin o‘tkazib, 4 ta gol va 11 ta golli uzatmaga mualliflik qildi.
Eslatib o‘tamiz, Fayzullayev 2023-yilning avgust oyida “Paxtakor” safidan moskvaliklar tarkibiga borib qo‘shilgandi.
Izoh (0)