Jonni Depp Jek Chittak libosini kiyib, Madridda joylashgan bolalar shifoxonasidagi bemor kichkintoylarni ziyorat qildi. Aktyor mamlakatda yangi loyiha suratga olish uchun kelgan bo‘lib, bu haqda People nashri xabar bermoqda.
Shifoxonada Depp pediatriya va onkologiya bo‘limlaridagi bemorlarni ko‘rib chiqdi. U yerda aktyor bolalar bilan o‘ynab, kulib va shu bilan birga o‘z qiyofasidan chiqmagan holda vaqt o‘tkazdi.
Bu Deppning Ispaniyadagi kichik bemorlar yoniga kelishi birinchisi emas. 2024-yil sentyabr oyida aktyor “Karib dengizi qaroqchilari” filmining bosh qahramoni qiyofasida San-Sebastyandagi Donostiya universiteti shifoxonasida davolanayotgan bolalarni ko‘rishga ham tashrif buyurgan edi.
Ilgari Depp Jek Chittak qiyofasida Vankuver, Parij, London va Brisben, shuningdek, AQSHning bir qancha shaharlaridagi shifoxonalarning bolalar bo‘limlariga borgan.
Bundan tashqari, aktyor qaroqchi libosida video yozib, og‘ir yurak kasalligiga chalingan 11 yoshli Kori ismli blogerni xursand qildi.
Izoh (0)