Qidiruvda bo‘lgan 12 nafar O‘zbekiston fuqarosi BAAdan O‘zbekistonga ekstraditsiya qilindi. Bu haqda IIV matbuot xizmati xabar berdi.
Maʼlum qilinishicha, turli jinoyatlar sodir etganligi uchun qidiruvda bo‘lgan uch nafar shaxsni topshirish tasdig‘i olingan.
Shuningdek, O‘zbekiston va Abu-Dabi Interpol Milliy markaziy byurolari o‘rtasidagi uchrashuvda qidiruvdagi shaxslar hamda gumonlanuvchilar ro‘yxati almashilgan.
Shu bilan birga, qidiruvda bo‘lgan 12 nafar jinoyatchini O‘zbekistonga ekstraditsiya qilish jarayonini amalga oshirish bo‘yicha kelishuvga erishilgan.
Sankt Peterburgda 2021-yilda sodir etilgan qotillik uchun qidiruvda bo‘lgan O‘zbekiston fuqarosi 28-may kuni Salvadordan ekstraditsiya qilingandi. O‘zbekistonda 9 million dollarni talon-toroj qilishda ayblangan shaxs Rossiyada ushlanib, 15-mayda O‘zbekistonga ekstraditsiya qilingandi. Shuningdek, O‘zbekiston Interpol Milliy markaziy byurosi xalqaro qidiruvda bo‘lgan jinoyatchi ayolni BAAdan chiqarib yuborgandi.
Izoh (0)