O‘zbekiston hududida jinoyat sodir etgan va qidiruvga berilgan shaxs Turkiyada qo‘lga olindi. Bu haqda IIV matbuot xizmati xabar berdi.
Maʼlumotlarga ko‘ra, 1981-yilda tug‘ilgan I.U. Jinoyat kodeksining 135-moddasi 3-qismi (odam savdosi) bo‘yicha Namangan viloyati IIB tomonidan qidiruvga berilgan.
Tezkor maʼlumotlar asosida u Turkiyaning Istanbul shahrida yashirinib yurganligi aniqlandi.
Mazkur shaxs 17-iyun kuni Turkiyada qo‘lga olinib, belgilangan tartibda O‘zbekistonga ekstraditsiya qilindi.
Sankt-Peterburgda 2021-yilda sodir etilgan qotillik uchun qidiruvda bo‘lgan O‘zbekiston fuqarosi 28-may kuni Salvadordan ekstraditsiya qilingandi. O‘zbekistonda 9 million dollarni talon-toroj qilishda ayblangan shaxs Rossiyada ushlanib, 15-mayda O‘zbekistonga ekstraditsiya qilingandi. Shuningdek, O‘zbekiston Interpol Milliy markaziy byurosi xalqaro qidiruvda bo‘lgan jinoyatchi ayolni BAAdan chiqarib yuborgandi.
Izoh (0)