Raqobatni rivojlantirish va iste’molchilar huquqlarini himoya qilish qo‘mitasi YHXBB o‘tkazgan tender savdolarida qonun buzilishi holatini aniqladi.
Qo‘mitaga IIV Yo‘l harakati xavfsizligi bosh boshqarmasi tomonidan 2024-yil 10-iyunda boshlang‘ich qiymati 26 milliard 500 million so‘mga yaqin o‘tkazilgan tender savdolari yuzasidan murojaat kelib tushgan. Olib borilgan o‘rganishlarda tender savdolari yo‘l belgilari uchun bo‘yoqlar va shisha mahsulotlarni xarid qilish uchun o‘tkazilgani ma’lum bo‘ldi.
Ishni ko‘rib chiqish natijasida, “Raqobat to‘g‘risida”gi qonunning 29-moddasi talablari buzilgan deb topilib, YHXBBga nisbatan tender savdo natijasini haqiqiy emas deb topish bo‘yicha ko‘rsatma berildi.
Shuningdek, ushbu qonunbuzilish holatiga yo‘l qo‘ygan mansabdor shaxsga nisbatan belgilangan tartibda ma’muriy javobgarlikni belgilash masalasi ko‘rib chiqiladi.
Izoh (0)