Namangan viloyatidagi 10 ta tuman hokimliklari qabul qilgan normativ-huquqiy hujjatlarida “Raqobat to‘g‘risida”gi qonun talablariga zid holatlar aniqlandi. Bu haqda Raqobat qo‘mitasi matbuot xizmati xabar berdi.
Maʼlum qilinishicha, qo‘mitaning Namangan viloyati hududiy boshqarmasi tomonidan 2024-yilning birinchi yarmi mobaynida 10 ta tuman hokimliklarida qonun talablari ijrosi yuzasidan jami 4214 ta normativ-huquqiy va boshqa turdagi hujjatlar yuzasidan o‘rganishlar olib borildi.
Mazkur o‘rganishlar jarayonida, Mingbuloq, Kosonsoy, Pop, Norin, Namangan, To‘raqo‘rg‘on, Uychi, Chust, Chortoq va Yangiqo‘rg‘on tuman hokimliklarida tovar yoki moliya bozorida raqobatni cheklashga hamda isteʼmolchilarning huquqlari va qonuniy manfaatlarini kamsitishga olib keluvchi jami 12 ta qarorlarni qabul qilinishi natijasida “Raqobat to‘g‘risida”gi qonunning 22-moddasi talablari buzilishi holatlariga yo‘l qo‘yilgani aniqlandi.
Olib borilgan o‘rganish natijalariga ko‘ra, 10 ta tuman hokimlarining tegishli qarorlari “Raqobat to‘g‘risida”gi qonun talablariga muvofiqlashtirildi.
Tuman hokimliklariga qonun buzilish holatlarini bartaraf etish va kelgusida bunday holatga yo‘l qo‘ymaslik yuzasidan taqdimnomalar kiritildi.
Izoh (0)