Рақобатни ривожлантириш ва истеъмолчилар ҳуқуқларини ҳимоя қилиш қўмитаси ЙҲХББ ўтказган тендер савдоларида қонун бузилиши ҳолатини аниқлади.
Қўмитага ИИВ Йўл ҳаракати хавфсизлиги бош бошқармаси томонидан 2024 йил 10 июнда бошланғич қиймати 26 миллиард 500 миллион сўмга яқин ўтказилган тендер савдолари юзасидан мурожаат келиб тушган. Олиб борилган ўрганишларда тендер савдолари йўл белгилари учун бўёқлар ва шиша маҳсулотларни харид қилиш учун ўтказилгани маълум бўлди.
Ишни кўриб чиқиш натижасида, “Рақобат тўғрисида”ги қонуннинг 29-моддаси талаблари бузилган деб топилиб, ЙҲХББга нисбатан тендер савдо натижасини ҳақиқий эмас деб топиш бўйича кўрсатма берилди.
Шунингдек, ушбу қонунбузилиш ҳолатига йўл қўйган мансабдор шахсга нисбатан белгиланган тартибда маъмурий жавобгарликни белгилаш масаласи кўриб чиқилади.
Изоҳ (0)