O‘zbekiston Superligasining 18-turidan o‘rin olgan bahsda Namanganning “Navbahor” jamoasi “Andijon” mehmoni bo‘ldi. “Vodiy derbisi” maqomi va jamoalar turnir jadvalida qo‘shni bo‘lganligi bois ushbu uchrashuvga qiziqish yuqori bo‘ldi. Stadionga 20 mingga yaqin muxlis kelganligi qayd etildi va bellashuv ham shunga yarasha shiddatli o‘tdi.
O‘yin ilk daqiqalardan keskin kurashlar ostida boshlandi. Uchrashuvning birinchi bo‘limida tashabbus goh u, goh bu klub tarafida bo‘ldi va jamoalar tanaffusga 0:0 hisobidagi durang bilan yo‘l oldi.
Uchrashuvning ikkinchi bo‘limida “Navbahor” darvozaboni Shukron Yo‘ldoshev bir necha bor jamoasi joniga oro kirdi. Uchrashuv yakunlanishiga sanoqli daqiqalar qolganida mehmonlar yarim himoyachisi Ruslanbek Jiyanov raqib jarima maydonchasi ichiga yetkazib berilgan to‘pni kuchli zarbasi bilan darvozaga aniq yo‘llab, uchrashuv taqdirini hal qildi – 0:1.
“Daryo” “Andijon” va “Navbahor” o‘rtasidagi o‘yindan fotogalereya tayyorladi.
Fotosuratlar muallifi: Oqilxon Mamajonov
Izoh (0)