Oq uyda ishlagan, Oksfordni bitirgan, ilmiy daraja olgan: Gollivudning eng aqlli aktyorlari

Mazkur yulduzlarning ko‘pchiligi ortida nafaqat iste’dodli aktyorlar, balki haqiqiy ziyolilar: neyrobiologlar, nufuzli universitet bitiruvchilari va hayratlanarli bilim egalari yashiringan. Ular kuldirish bilan birga, dissertatsiya ham himoya qila oladi.

Rouen Atkinson

Janob Bin go‘yo boshqa sayyoradan kelganga o‘xshaydi: beso‘naqay, kamgap, yuzida doimo hayrat ifodasi aks etgan. Biroq hayotda Rouen Atkinson sira ham janob Bin emas, aksincha, haqiqiy britaniyalik ziyoli.

Aktyor Nyukasl universitetini bitirib, elektr muhandisligi bo‘yicha ma’lumot olgan. Keyinchalik esa u dunyoning eng nufuzli oliy o‘quv yurtlaridan biri — Oksfordni ham tamomlagan.

Jodi Foster

Ko‘pchilik bolalar endigina bo‘g‘inlarni qo‘shishni o‘rganayotgan paytda, uch yoshli Jodi Foster allaqachon ravon o‘qiy olardi. Aktrisa nafaqat ajoyib kino karyera qurishga, balki Yel universitetini adabiyot bo‘yicha a’lo baholarga tugatib, diplom olishga ham ulgurgan.

Kel Penn

“Garold va Kumar sarguzashtga otlanishadi” yoki “Bazm qiroli” filmlarini ko‘rgan bo‘lsangiz, aktyor Kal Pennni esi past odam deb o‘ylagandirsiz. Biroq bunday hazillar ortida haqiqiy siyosatchi yashirinib turardi.

Kel Penn Obama davrida Oq uyda jamoatchilik aloqalari sohasida muhim lavozimda ishlagan. Buning uchun u hatto “Doktor Haus” serialini tark etishga majbur bo‘ldi. Serialda uning qahramoni o‘z joniga qasd qilgan edi. Ha, personajni boshqa bo‘lim yoki shifoxonaga yuborish o‘rniga, uni aynan shu tarzda serialdan chiqarishga qaror qilinadi.

Rebel Uilson

Bu avstraliyalik ayol nafaqat hazillari bilan, balki aqli bilan ham ko‘zga yosh keltira oladi. Rebel Uilson Yangi Janubiy Uels universitetida gumanitar fanlar va huquq bo‘yicha ilmiy daraja olgan. Bolaligida esa matematik qobiliyatlari bilan hammani hayratga solgan va hatto mamlakat nomidan matematika bo‘yicha yoshlar olimpiadasida ishtirok etgan.

Stiv Martin

Agar Stiv Martinni shunchaki quvnoq sodda odam deb o‘ylayotgan bo‘lsangiz, demak uning kitoblarini o‘qimagan va banjoda qanday chalishini eshitmagansiz.

Martin falsafa kursini bitirgan, adabiy mukofotlar sohibi, musiqachi va dramaturg — u Gollivudning eng bilimdon komediya aktyorlaridan biridir.

Liza Kudrou

“Do‘stlar” serialidagi g‘alati Fibi obrazi bilan shuhrat qozonishidan avval Liza Kudrou ilm-fan bilan jiddiy shug‘ullangan. U Vassar kollejini biologiya yo‘nalishi bo‘yicha tugatib, tadqiqot laboratoriyasida migren va miya yarim sharlari faoliyatini o‘rganish bilan mashg‘ul bo‘lgan.

Dolf Lundgren

Dolf Lundgren ahmoqona rollarni ijro etmagan, biroq uning qahramonlarini aqlli deb ham bo‘lmasdi. Lundgren faqatgina vayron qilish va o‘ldirishga qodir bo‘lgan turli xil yirik gavdali zo‘ravonlarni tasvirlardi.

U “Rokki 4”, “Qizil chayon” va o‘nlab jangari filmlarda rol ijro etgan. Biroq Lundgren shunchaki mushakdor aktyor emas. U kimyoviy mashinasozlik bo‘yicha magistr darajasiga ega.

Hatto u Massachusets texnologiya institutida o‘qish uchun grant ham yutib olgan. Ammo Boston o‘rniga tungi klubda qo‘riqchi bo‘lib ishlaydi. U yerda uni Greys Jons ko‘rib qolib, tansoqchi sifatida yollaydi. Shu tariqa Lundgren kinoga kirib keladi.