АҚШ космик кучлари деярли 50 йилдан сўнг биринчи марта келажакдаги ҳарбий GPS дастурларига таъсир кўрсатиши мумкин бўлган тажрибавий навигация сунъий йўлдошини орбитага чиқарди. Бу Defense Оne Portal хабар бермоқда.
“United Launch Alliance компаниясининг Vulcan ракетаси сешанба куни Флоридадаги Канаверал бурнидан Navigation Technology Satellite‐3 сунъий йўлдошини орбитага олиб чиқди”, дейилади хабарда.
Портал маълумотларига кўра, NTS-3 сигнал алмаштириш хавфидан ҳимояланишни, сўндириш шароитида барқарор алоқа учун фазавий антеннани, шунингдек, ердан доимий бошқарувсиз мустақил ишлашни синаб кўради. Қурилма тўғридан-тўғри орбитада қайта дастурлаш имкониятига ҳам эга.
Қўшимча қилинишича, бу Vulcan ракетасидан фойдаланган ҳолда АҚШ миллий хавфсизлик дастурининг иккинчи босқичи доирасидаги биринчи учиришдир.
Июль ойида Next Spaceflight портали NTS-3 USSF-106 махфий миссиясининг бир қисми сифатида учиши кераклигини маълум қилди. Унда орбитада сигнални ўзгартириш қобилиятига эга қурилма фойдали юкнинг асосий элементи сифатида эълон қилинган эди. Учириш айнан шу Канаверал бурнидан ва Vulcan ВC4С ракетаси ёрдамида амалга оширилиши режалаштирилган эди.
Изоҳ (0)