Myunxenning “Bavariya” klubi yozgi transfer oynasi davomida “Manchester Yunayted” jamoasining argentinalik futbolchisi Alexandro Garnachoni o‘z safiga qo‘shib olishni rejalashtirmoqda. Bu haqda ESPN nashri xabar berdi.
Manbaga ko‘ra, Germaniyaning amaldagi chempionlari 21 yoshli futbolchini xarid qilish bo‘yicha yaqin orada rasman muzokaralarni boshlashi mumkin. “Manchester Yunayted” rahbariyati esa Garnachoni aynan shu yozda sotishga tayyor ekani aytilmoqda.
Ayni paytda “Bavariya” bosh murabbiyi Vensan Kompani jamoa tarkibini bir nechta yangi futbolchi bilan kuchaytirish ustida ish olib bormoqda. Garnacho esa uning rejalarida muhim o‘rin egallashi mumkinligi ta’kidlanmoqda.
Shunga qaramay, futbolchining o‘zi hozircha Angliyada qolishni istayotgani aytildi. Avvalroq Garnachoga Angliyaning boshqa klublari — “Aston Villa” va “Chelsi” ham jiddiy qiziqish bildirgani haqida xabarlar tarqalgan edi. Biroq bu transfer hozircha amalga oshmagan.
Eslatib o‘tamiz, Alexandro Garnacho 2023/24-yilgi mavsumda Angliya Premer Ligasi doirasida 36 ta o‘yinda maydonga tushib, 6 ta gol va 2 ta golli uzatmaga mualliflik qilgan.
Izoh (0)