“Kalmar o‘yini”ning yakuniy mavsumi butun tarixning eng sermazmun va ramziy qismiga aylandi. U nafaqat Ki Xun qissasiga yakun yasadi, balki birinchi mavsumda belgilangan o‘nlab syujet chiziqlarini ham yakunladi.
Muqarrar o‘lim
Ki Xunning o‘limi fojiali bo‘lsa-da, muqarrar edi. Ikkinchi qismda u odam o‘ldirmaslik haqidagi qasamini buzib, g‘azab bilan bir o‘yinchini bo‘g‘ib qo‘yadi. Bu harakat uning insoniylikka bo‘lgan ishonchiga chek qo‘yadi.
Uning so‘nggi so‘zlari — “Biz ot emasmiz, biz insonmiz” — shunchaki yakuniy e’tiroz emas, balki o‘tgan mavsumda Frontmen o‘yinchilarni poygachi hayvonlarga o‘xshatgan gapiga ishora. Qahramon buni tizimni o‘zgartirish umidida emas, balki uning insonparvarligi haqidagi afsonani puchga chiqarish uchun takrorlaydi.
Pop-madaniyatga havolalar
Serialda Marvel va DC haqida eslatmalar bor, bu ayniqsa Netflix seriallari kontekstida yoqimli tuyuladi. Shunday qilib, VIP mehmonlar Mo‘jizakor ayol haqida bahslashib, komikslarni muhokama qila boshlaydi. Bu lahza o‘yinchilarning ketma-ket halok bo‘lishidan so‘ng biroz yengil nafas olishga imkon beradi. Bu bilan ijodkorlar dahshatli va kulgili holatlar o‘rtasidagi muvozanatni topishga muvaffaq bo‘lgan.
Nikolay Gogolning “Taras Bulba” qissasiga yana bir ishora mavjud, ammo film mualliflari bu haqda bilmagan bo‘lishlari ham mumkin. 149-raqamli o‘yinchi, mehribon kampir, o‘z o‘g‘lini o‘ldirayotgan paytda beixtiyor “Men seni dunyoga keltirdim, endi o‘zim yo‘q qilaman” degan so‘zlarni aytgingiz keladi.
Frontmenning o‘tmishi haqidagi sirli ma’lumotlar
3-mavsumda Frontmenga alohida e’tibor qaratilgan. Uning obrazi bu yerda ilk bor insoniy tomondan ochib beriladi. U Ki Xunga pichoq uzatadi, go‘yo uni qotillikka undayotgandek, ammo bu uni o‘z tomoniga og‘dirishga urinishi edi.
Aynan shu lahza In Xoning o‘zini sindirganini, qotillikdan keyin u boshlovchiga aylanganini va asta-sekin insoniyligini yo‘qotib borgani yaqqol ko‘rsatib beriladi. Finalda esa Ki Xun unda so‘nib borayotgan tuyg‘ularni qayta uyg‘ota olgani tasvirlanadi.
In Xo shundan keyin o‘zgaradi. Uning chaqaloqni qutqarish qarori ezgu niyat emas, balki qalbidagi insoniylikning so‘nggi zarrasidir.
Yoqimli qaytishlar
Ki Xun raqiblarini o‘ldirish haqida o‘ylayotgan paytda xayolan Se Byokni ko‘rib qoladi va fikridan qaytadi. Birinchi mavsum yulduzi 3-mavsumda bir ko‘rinish beradi xolos. Shuningdek, o‘yin asoschisi O Il Nam qo‘g‘irchoq ko‘rinishida ham ko‘rsatiladi. Gallyutsinatsiya shaklida paydo bo‘lgan reper Tanosni ham aynan shu mavsumda ko‘rish mumkin.
Chon Xining kiyimiga o‘ralgan, jarlik chetida yotgan chaqaloq, kadrdagi qizil xoch, Il Nam tulumi ko‘rsatilgan muzey — bularning barchasi doira yopilganini anglatuvchi belgilardir. O‘yin tugadi, uning yaratuvchilari esa yo o‘lgan, yo o‘zgarib ketgan.
Hatto aeroportdagi Se Byokning akasi onasi bilan qayta topishgan sahna ham birinchi mavsumda o‘yin qoidalarini o‘zgartirish uchun qaytgan Ki Xunning tanloviga ishora qiladi.
Izoh (0)