“Калмар ўйини”нинг якуний мавсуми бутун тарихнинг энг сермазмун ва рамзий қисмига айланди. У нафақат Ки Хун қиссасига якун ясади, балки биринчи мавсумда белгиланган ўнлаб сюжет чизиқларини ҳам якунлади.
Муқаррар ўлим
Ки Хуннинг ўлими фожиали бўлса-да, муқаррар эди. Иккинчи қисмда у одам ўлдирмаслик ҳақидаги қасамини бузиб, ғазаб билан бир ўйинчини бўғиб қўяди. Бу ҳаракат унинг инсонийликка бўлган ишончига чек қўяди.
Унинг сўнгги сўзлари — “Биз от эмасмиз, биз инсонмиз” — шунчаки якуний эътироз эмас, балки ўтган мавсумда Фронтмен ўйинчиларни пойгачи ҳайвонларга ўхшатган гапига ишора. Қаҳрамон буни тизимни ўзгартириш умидида эмас, балки унинг инсонпарварлиги ҳақидаги афсонани пучга чиқариш учун такрорлайди.
Поп-маданиятга ҳаволалар
Сериалда Marvel ва DC ҳақида эслатмалар бор, бу айниқса Netflix сериаллари контекстида ёқимли туюлади. Шундай қилиб, VIP меҳмонлар Мўжизакор аёл ҳақида баҳслашиб, комиксларни муҳокама қила бошлайди. Бу лаҳза ўйинчиларнинг кетма-кет ҳалок бўлишидан сўнг бир оз енгил нафас олишга имкон беради. Бу билан ижодкорлар даҳшатли ва кулгили ҳолатлар ўртасидаги мувозанатни топишга муваффақ бўлган.
Николай Гоголнинг “Тарас Булба” қиссасига яна бир ишора мавжуд, аммо фильм муаллифлари бу ҳақда билмаган бўлишлари ҳам мумкин. 149-рақамли ўйинчи, меҳрибон кампир, ўз ўғлини ўлдираётган пайтда беихтиёр “Мен сени дунёга келтирдим, энди ўзим йўқ қиламан” деган сўзларни айтгингиз келади.
Фронтменнинг ўтмиши ҳақидаги сирли маълумотлар
3-мавсумда Фронтменга алоҳида эътибор қаратилган. Унинг образи бу ерда илк бор инсоний томондан очиб берилади. У Ки Хунга пичоқ узатади, гўё уни қотилликка ундаётгандек, аммо бу уни ўз томонига оғдиришга уриниши эди.
Айнан шу лаҳза Ин Хонинг ўзини синдирганини, қотилликдан кейин у бошловчига айланганини ва аста-секин инсонийлигини йўқотиб боргани яққол кўрсатиб берилади. Финалда эса Ки Хун унда сўниб бораётган туйғуларни қайта уйғота олгани тасвирланади.
Ин Хо шундан кейин ўзгаради. Унинг чақалоқни қутқариш қарори эзгу ният эмас, балки қалбидаги инсонийликнинг сўнгги заррасидир.
Ёқимли қайтишлар
Ки Хун рақибларини ўлдириш ҳақида ўйлаётган пайтда хаёлан Се Бёкни кўриб қолади ва фикридан қайтади. Биринчи мавсум юлдузи 3-мавсумда бир кўриниш беради холос. Шунингдек, ўйин асосчиси О Ил Нам қўғирчоқ кўринишида ҳам кўрсатилади. Галлюцинация шаклида пайдо бўлган рэпер Таносни ҳам айнан шу мавсумда кўриш мумкин.
Чон Хининг кийимига ўралган, жарлик четида ётган чақалоқ, кадрдаги қизил хоч, Ил Нам тулуми кўрсатилган музей — буларнинг барчаси доира ёпилганини англатувчи белгилардир. Ўйин тугади, унинг яратувчилари эса ё ўлган, ё ўзгариб кетган.
Ҳатто аэропортдаги Се Бёкнинг акаси онаси билан қайта топишган саҳна ҳам биринчи мавсумда ўйин қоидаларини ўзгартириш учун қайтган Ки Хуннинг танловига ишора қилади.
Изоҳ (0)