Pagani Bulgari zargarlik uyi bilan birgalikda yagona nusxada mavjud bo‘lgan haqiqiy san’at asari — Nāga giperkarini taqdim etdi, deya xabar bermoqda Tengri Auto.
O‘zining nafis uslubi bilan tanilgan Bulgari ishlab chiqarish jarayoniga shu qadar chuqur kirib bordiki, ilgari hech qanday avtomobil bilan bunday darajada shug‘ullanilmagan edi. Salon bezaklari, uskunalar paneli elementlari, hatto shassi qismlarining ayrimlari ham haqiqiy olmoslar bilan bezatilgan.
-f9252ySf.avif)
Giperkar g‘oyasi noyob avtomobillarning muxlisi bo‘lgan tailandlik Kimpxornprapega tegishli. U estetika, ramziylik va texnik mukammallikni uyg‘unlashtirish vazifasini qo‘ygan.
Nāga nomi Hindiston va Janubiy Osiyo madaniyatlarida e’zozlanadigan afsonaviy ilonga ishora qiladi. Ushbu g‘oya kuzov dizaynida o‘z aksini topgan: uglerod tolali qoplama tangachaga o‘xshaydi va uning tuzilishi yorug‘lik hamda ko‘rish burchagi o‘zgarganda “jonlanadi”.
Kapot ostida Pagani Imola Roadster’ning “yuragi” joylashgan: AMG tomonidan ishlab chiqilgan 6 litrlik V12 qo‘sh turbinali dvigatel mavjud.
U atigi 1260 kilogramm og‘irlikda 838 ot kuchi va 1100 Nm aylanish momentini ishlab chiqaradi. Maksimal tezlik cheklangan — soatiga 350 kilometr.
-UDRVh0vt.avif)
Narxi oshkor etilmagan, biroq mutaxassislarning fikricha, u o‘nlab million dollarlik chegaradan bemalol o‘tib ketishi mumkin.
Izoh (0)