Hindiston 22-aprel kuni Kashmirda terakt sodir etganlarning bari Pokiston fuqarolari ekanini da’vo qildi. Bu haqda BBC xabar berdi.
Hindistonlik tergovchilarning aytishicha, Kashmirning Pahalgam shahri yaqinida sayyohlarga hujum uyushtirgan 3 nafar jangarining barchasi BMT tomonidan taqiqlangan “Lashkar-e-Taiba” jangarilar guruhining pokistonlik fuqarolari bo‘lgan. Dastlab, politsiya ulardan biri hindistonlik erkak ekanini aytgandi.
Pokiston Kashmirdagi teraktni fuqarolari amalga oshirgani haqidagi da’voga haqli munosabat bildirmagan. Mamlakat 26 kishi halok bo‘lgan mazkur teraktga aloqadorligini rad etgandi. Sayyohlar ko‘p tashrif buyuradigan Pahalgamdagi hujum Hindiston va Pokistonni urush yoqasiga olib kelgandi.
22-aprel kuni sodir etilgan hujumni Hindiston Milliy tergov agentligiga tekshirmoqda. Ular hududda yirik qidiruv operatsiyasini boshlab minglab odamlarni so‘roq uchun hibsga olgan. Biroq, terkt amalga oshirishda gumonlangan 3 kishi hali qo‘lga olinmagan.
“Hibsdagi boshqa erkaklar 22-apreldagi teraktdan oldin bila turib 3 ta qurolli terrorchini kulbaga yashirgan”, deydi politsiya.
7-may kuni Dehli Pokiston va Kashmirdagi bir nechta obyektlarga raketa zarbalari bergan. Keyingi 3 kun davomida ikki davlat bir-birining aerodromlariga artilleriya va havo hujumlari uyushtirgandi. Ushbu hujumlarda Pokistonda kamida 51 kishi, jumladan, 11 askar va bir necha bola halok bo‘lganini ma’lum qilgan. Hindiston esa kamida 5 nafar harbiy halok bo‘lganini bildirgandi.
Izoh (0)