“Lolo va Pepening sarguzashtlari” — taʼsirli multfilm bo‘lib, unda pingvinlar “maktabga” borishadi, do‘stlashadi, sho‘xlik qilishadi va keyin o‘z hayotlari uchun kurashishadi.
Millionlab sovet tomoshabinlari uchun bu shunchaki yaxshi ertak edi. Ammo hamma ham buni deyarli sakkiz yil davomida ishlab chiqilgan noyob sovet-yapon ijodiy hamkorligi namunasi ekanini bilmaydi.
Hammasi 1973-yilda yaponiyalik prodyuser Takeo Nisiguchining SSSRga tashrifi bilan boshlangan. Prodyuser u yerda mahalliy animatsiyani ko‘rib hayratga tushadi va birgalikda loyiha yaratishni taklif qiladi. Syujet neytral — pingvinlar haqida tanlangan. Multfilm Rossiyada animatsiya qilingan, yaponiyaliklar texnika va prodyuserlikni taʼminlagan. Aslida, bu birinchi va deyarli yagona “sovet anime”si edi.
Trilogiya, yumshoq qilib aytganda, bugungi mezonlar bo‘yicha ham nostandart chiqdi. Multfilm syujeti birinchi qismdagi mitti pingvinlarning sho‘xliklaridan tortib finaldagi deyarli harbiy dramaga qadar qahramon bilan birga o‘sib boradi. Oxirgi filmda haqiqiy qirg‘in bo‘lib, unda pingvinlar brakonyerlar qo‘lida halok bo‘ladi. Bolalar multfilmi o‘sib ulg‘ayish va omon qolish haqidagi shafqatsiz, lekin hayotiy hikoyaga aylanadi. Saundtrekni yaponiyalik bastakor Masaxito Maruyama yaratgan. Eng muhimi — multfilm butun dunyoga tarqaldi, uni Yevropa, Lotin Amerikasi hamda Yaqin Sharqda tomosha qilishgan.
Izoh (0)