O‘zbekistonda bir kg oshga ketadigan mahsulotlarning o‘rtacha narxi qancha?

O‘zbekistonda bir kg oshga ketadigan mahsulotlarning o‘rtacha narxi bo‘yicha statistika e’lon qilindi. 

Milliy statistika qo‘mitasi kuzatuv natijalariga ko‘ra, hududlar kesimida bir kilogramm palov uchun kerakli mahsulotlarning o‘rtacha qiymati (2025-yil aprel oyi uchun):

• Qoraqalpog‘iston R. — 95 700 so‘m      
• Andijon viloyati — 102 000 so‘m      
• Buxoro viloyati — 105 500 so‘m       
• Jizzax viloyati — 106 800 so‘m      
• Qashqadaryo viloyati — 107 400 so‘m      
• Navoiy viloyati — 106 400 so‘m      
• Namangan viloyati — 106 500 so‘m      
• Samarqand viloyati — 108 400 so‘m      
• Surxondaryo viloyati — 106 900 so‘m      
• Sirdaryo viloyati — 102 200 so‘m            
• Toshkent viloyati — 108 900 so‘m      
• Farg‘ona viloyati — 112 300 so‘m        
• Xorazm viloyati — 102 600 so‘m      
• Toshkent shahri — 112 500 so‘m      

Bir kilogramm palov uchun kerakli mahsulotlar:

• kungaboqar yog‘i — 0,3 l
• piyoz — 300 gr
• mol go‘shti — 700 gr
• sabzi — 1 kg
• guruch — 1 kg
• no‘xat — 100 gr
• zira — 10 gr
• osh tuzi — 20 gr

Yuqoridagi raqamlar hududlarda sotilayotgan bir kilogramm palovning narxiga to‘g‘ri kelmaydi. Ularda palov tayyorlash va boshqa xizmatlar haqi ham qo‘shib hisoblanadi.

1 porsiya palov narxi qanday?

Osh markazlarida eng qimmat palov Toshkent shahrida sotilgan bo‘lib, bir porsiyasi 35 700 so‘m bo‘lgan. Eng arzon osh esa Namangan viloyatida — bir porsiyasi 23 000 so‘mdan sotilgan.

Umuman olganda mamlakat hududlarida 1 porsiya oshning o‘rtacha narxi quyidagicha bo‘lgan: 

• Qoraqalpog‘iston Respublikasi — 26 100 so‘m        
• Andijon viloyati — 31 200 so‘m      
• Buxoro viloyati — 33 900 so‘m       
• Jizzax viloyati —28 800 so‘m      
• Qashqadaryo viloyati — 30 700 so‘m       
• Navoiy viloyati — 26 800 so‘m       
• Samarqand viloyati — 30 500 so‘m      
• Surxondaryo viloyati — 29 200 so‘m      
• Sirdaryo viloyati — 25 700 so‘m      
• Toshkent viloyati — 27 300 so‘m     
• Farg‘ona viloyati — 26 600 so‘m  
• Xorazm viloyati — 31 900 so‘m  

“Palov indeksi” haqida

O‘zbekistonda eng ommaviy taom — osh narxlari to‘g‘risidagi ma’lumotlarni shakllantiruvchi “Palov indeksi” 2020-yilning yanvaridan joriy etilgan. Ushbu ma’lumotlarni shakllantirishda respublikaning barcha hududlarida 1 kilogrammm palov tayyorlash uchun sarflanadigan masalliqlar miqdori o‘rganib chiqiladi. Shunga ko‘ra, umumiy ovqatlanish muassasalarida bir porsiya palovning o‘rtacha narxi belgilanadi.