Milliy yetkazib berish xizmati Uzum Tezkor yil yakunini eʼlon qildi. Ushbu yilda Uzum Tezkor eng keng geografiyaga ega servisga aylandi — u hozirda O‘zbekistonning 17 shahrida faoliyat yuritmoqda. Platformaning noyob foydalanuvchilar miqdori 2023-yil dekabr oyiga nisbatan 4 barobarga oshdi. Servis bilan hozirda 2300 dan ortiq restoran, kafe va do‘konlar hamkorlik qilmoqda.
Joriy yilda o‘zbekistonliklarning eng sevimli taomlari deb lavash va burgerlar tan olindi. Xususan, 2024-yilda foydalanuvchilar 770 tonna lavash buyurtma qilishgan. Ularni ko‘pincha kechki ovqatga buyurtma qilishadi – pik vaqti 18 dan 20 gacha to‘g‘ri keladi.
Ushbu yilda Uzum Tezkor xizmatining eng mashhur 5 ta toifasi:
- Burgerlar
- Lavash
- Tovuq go‘shtidan tayyorlangan taomlar
- Milliy taomlar
- Pitsa
Yurtimizning turli shaharlarida taʼm afzalliklari bir-biridan ancha farq qiladi. Masalan, lavash hamma joyda mashhur bo‘lsada, vodiyliklar tanlovlarini ko‘pincha milliy taomlarda to‘xtatishadi. Shunda Andijonda eng ko‘p buyurtma qilinadigan taom somsa, Farg‘onada – manti, Namanganda esa – bulochkalar bo‘lib chiqdi. Samarqand boshqa mintaqalardan o‘ziga xosligi bilan ajralib turibdi: samarqandliklarning favoriti o‘zbek oshxonasining ramzi bo‘lmish osh-palov bo‘lib chiqdi.
Yetkazib berish xizmatiga talab oshib borishi bilan buyurtmalarning o‘rtacha cheki ham o‘sib bormoqda, xususan yil mobaynida restoranlardan yetkazib berishda o‘rta chek 20% ga, do‘konlardan qilingan buyurtmalarda 46% ga oshgan. Ushbu o‘sish bir tomondan toifalar kengayishi bilan bog‘liq, masalan joriy yildan Uzum Tezkor vitaminlar, hayvonlar uchun tovarlar, gullar, kosmetika, o‘yinchoqlar, kanstovarlar va boshqa ko‘plab yangi kategoriyalardagi mahsulotlarni yetkazib berishni boshladi. Shuningdek, Uzum fintex-servislarining integratsiya qilinishi ham o‘sish drayveri bo‘lib xizmat qildi. Bunga misol qilib Uzum Tezkor har uchinchi buyurtmasining fintex-servislari orqali to‘lanishini keltirish mumkin.
Uzum Tezkor xizmati bugunga kelib, mamlakatning 2300 ortiq restoran va do‘konlari bilan hamkorlik qilmoqda. 2024-yilda servis hamkorlikda 3000 dan ortiq aksiyalarni o‘tkazdi, ular orasida "Sovrinlar ortidan poyga" va “11.11” kabi mashhur kampaniyalar ko‘plar foydalanuvchilarni jalb qildi. Ushbu aksiyalar nafaqat hamkorlarning sotuvi oshishiga turtki bo‘ldi, balki mijozlarga foydali buyurtmalarni amalga oshirishga imkon berdi.
Servis yetkazib berish sifati va tezligini yaxshilashda davom etmoqda – Uzum Tezkor kuryerlari tovarlarni o‘rtacha 30 daqiqa yetkazib berishadi. Buyurtmalarni Uzum Tezkor ilovasi orqali yoki Uzum Market ilovasining Tezkor bo‘limi orqali ham amalga oshirish mumkin.
Sheriklik huquqi asosida.
Izoh (0)