24—25-aprel kunlari “HAYOT BIRJA” AJ O‘zbekiston Respublikasi Iqtisodiyot va moliya vazirligi bilan birgalikda xalqaro va milliy hamkorlar ko‘magida Hilton Tashkent City mehmonxonasida “Davlat xaridlari tizimidagi imkoniyatlar va islohotlar — 2025” xalqaro forumni tashkil etdi.
Tadbir davlat organlari, biznes vakillari, ekspertlar hamjamiyati va xalqaro tashkilotlar o‘rtasida ochiq va konstruktiv muloqot uchun muhim platformaga aylandi.
Forumda 250 dan ortiq ishtirokchilar, shu jumladan, vazirlik va idoralar, davlat korxonalari, xususiy sektor, xalqaro taraqqiyot institutlari vakillari, shuningdek, xaridlar sohasidagi yetakchi xorijiy ekspertlar qatnashdi.
-n0QyU2Tk.avif)
Ikki kun davomida ishtirokchilar O‘zbekistonda davlat xaridlari tizimini o‘zgartirishning asosiy jihatlarini muhokama qildilar, bunda shaffoflik, samaradorlik va raqobatbardoshlik masalalariga alohida eʼtibor qaratildi. Yalpi majlislar va panel muhokamalarida ko‘tarilgan mavzular orasida quyidagilar bor edi:
- xarid jarayonlariga raqamli texnologiyalarni joriy etish;
- qonunchilik bazasini takomillashtirish;
- kichik va o‘rta biznes ishtirokini kengaytirish;
- adolatli va ochiq raqobatni taʼminlash;
- xalqaro standartlar va tajribani integratsiyalash.
Forumda ishtirok etgan xalqaro hamkorlar orasida quyidagilar bor edi:
- Osiyo taraqqiyot banki;
- Osiyo infratuzilmaviy investitsiyalar banki;
- Yevropa tiklanish va taraqqiyot banki;
- Jahon banki;
- Islom taraqqiyot banki.
Xorijiy ekspertlarning maʼruzalariga alohida eʼtibor qaratildi, ular ilg‘or jahon tajribasi bilan o‘rtoqlashdilar, xaridlarni tartibga solishning zamonaviy trendlari haqida so‘zlab berdi va O‘zbekistonda xaridlar tizimini yanada rivojlantirish bo‘yicha tavsiyalar berdilar.
Forum doirasida panel munozaralari bo‘lib o‘tdi, unda ishtirokchilar o‘zaro fikr almashdilar, maʼruzachilarga savollar berdi hamda davlat xaridlari sohasidagi dolzarb vazifalarni hal qilishning amaliy yo‘llarini muhokama qildilar.
“HAYOT BIRJA” AJ asosiy tashkilotchilardan biri sifatida xalqaro standartlarga javob beradigan samarali, shaffof va zamonaviy davlat xaridlari tizimini shakllantirish bo‘yicha tashabbuslarni faol qo‘llab-quvvatlamoqda. Ushbu forumning o‘tkazilishi korxonaning O‘zbekiston Respublikasida ochiq va qulay xarid muhitini yaratish bo‘yicha maqsadlarini amalga oshirishda muhim qadam bo‘ldi.
Forumning barcha ishtirokchilariga faol ishtiroki, mazmunli chiqishlari va konstruktiv takliflari uchun samimiy minnatdorchilik bildiramiz. Ishonchimiz komilki, ushbu tadbir xarid tizimini modernizatsiya qilish, davlat, biznes va jamiyat o‘rtasidagi ishonchni mustahkamlash yo‘lida muhim bosqich bo‘ladi.
Murojaat uchun telefon raqami: +998 78 150-03-14
Veb-sahifa: hayotbirja.uz
Reklama huquqi asosida.
Izoh (0)