ASUS ROG Strix SCAR 2025 seriyasidagi o‘yin noutbuklarining yangi avlodini taqdim etadi. Lineyka o‘yinlar va katta resurs talab qiladigan ilovalarda maksimal unumdorlik uchun mo‘ljallangan flagman yechim sifatida taqdim etilmoqda. Strix SCAR modellari o‘yin jarayonini optimallashtirish va ish samaradorligini oshirishga qaratilgan ilg‘or apparat komponentlari va innovatsion texnologiyalarni o’z ichiga olishi bilan alohida e’tiborga loyiq.
ROG Strix 2025 seriyasiga STRIX SCAR 16/18 (G635/G835) va STRIX G 16/18 (G615/G815) modellari kiradi. Flagman STRIX SCAR 16/18 eng so‘nggi protsessorlar, videokartalar va Mini-LED ROG Nebula HDR displeylarini o‘z ichiga olgan top konfiguratsiyasi, shuningdek, yangilangan sovutish tizimi bilan ajralib turadi.
Materialda 2025-yilgi ROG Strix SCAR 18 noutbukida amalga oshirilgan asosiy xususiyatlar va texnologiyalar keltirilgan.
Displey: ACR texnologiyasiga ega ROG Nebula HDR
ROG Strix SCAR 18 – bu 18 dyuymli ROG Nebula HDR displeyi bilan jihozlangan bo‘lib, u 2.5K aniqlik va 240 Gs yangilanish chastotasini ta’minlaydi. Matritsa yuqori yorqinlik, DCI-P3 standartiga 100% mos keladigan keng rang qamrovi va yaltirashga qarshi qoplama bilan ajralib turadi, bu esa turli yorug‘lik sharoitlarida qulay o‘yin amaliyotini ta’minlaydi.
Displeyning asosiy xususiyatlaridan biri ACR (Adaptive Color Range) texnologiyasining integratsiyasi bo‘ldi. ROG Strix displeylarining hozirgi avlodida Ambient Contrast Ratio ikki qatlamli plyonkasi qo‘llanilgan bo‘lib, u aks ettirishni 55% ga kamaytirish va kontrastni 4,5 baravar oshirish orqali tasvir sifatini sezilarli darajada yaxshilaydi. Yechim vizual kontentning yanada aniq, yorqin va real ko‘rinishini ta’minlaydi.
Korpus dizayni va ergonomikasi: funksionallik va uslub
2025-yilgi Strix SCAR 18 flagmani yangilangan korpus dizayniga ega bo‘ldi. Yangiliklardan biri – displey qopqog‘i va sharnir o‘rtasidagi kichraytirilgan tirqish, shuningdek, korpusning pastki qismidagi ventilyatsiya teshiklari. Lekin foydalanuvchilar yana bir yangilangan xususiyatni yuqori baholaydilar: endi RGB-yoritish korpusning pastki qismining butun aylanasi bo‘ylab joylashtirilgan bo‘lib, noutbuk havoda suzib turganday taassurot uyg‘otadi. Bundan tashqari, SCAR 18 da qopqoqda joylashgan AniMe Vision yoritgichi (810 ta yorug‘lik diodi) mavjud bo‘lib, u shaxsiy vizual idrokni sozlash imkonini beradi va uni istalgan paytda o‘chirib qo‘yish mumkin.
Xizmat ko‘rsatish va modernizatsiya qilish qulayligini oshirishga qaratilgan muhim yangilik korpusning pastki panelining vintlarsiz tuzilishidir. Bu qurilmadan foydalanish va yangilanish jarayonlarini sezilarli darajada osonlashtiradi. Endi ichki komponentlarga kirish uchun otvyortkadan foydalanish shart emas. Maxsus richagni siljitish kifoya qilib, pastki panel oson yechiladi va qattiq holatli xotira qurilmalari (SSD) hamda tezkor xotira modullarini o‘rnatish uchun ajratilgan joylarga kirish imkoniyati ochiladi.
Unumdorlik: apparat konfiguratsiyasi va imkoniyatlari
2025-yilgi ROG Strix SCAR 18 noutbuki zamonaviy apparat qismlaridan foydalangan holda yuqori samaradorlikni namoyish etmoqda. Maksimal konfiguratsiyada qurilmalar Intel Core Ultra 9 275HX protsessorlari (80 Vt gacha) va noutbuklar uchun 50-seriyali NVIDIA GeForce RTX diskret videokartalari (RTX 5090 gacha TDP bilan 175 Vt gacha) bilan jihozlangan. Maksimal konfiguratsiya 64 GB gacha 5600 MGs DDR5 tezkor xotira va 4 TB gacha PCIe Gen4 qattiq diskni o‘z ichiga oladi.
50-seriyadagi NVIDIA GeForce RTX grafik protsessorlari oldingi avlodga nisbatan sezilarli o‘sishni ta’minlaydi, bu esa DLSS 4 va nurlarni kuzatish texnologiyalaridan foydalangan holda yuqori grafik sozlamalarda zamonaviy o‘yinlarni qulay tarzda o‘ynashga yordam beradi.
ROG yangiliklari professional ilovalarda ham yuqori samaradorlikni ko‘rsatmoqda. 3D rendering vazifalarini bajarish va sun’iy intellekt bilan ishlash vaqti oldingi avlodlarga nisbatan 2 barobargacha qisqaradi va videoni qayta ishlash tezligi 50% ga oshadi. Shu bilan birga, yangi arxitekturaning energiya samaradorligi avtonom ishlash vaqtini 40% gacha oshirishga yordam beradi.
Sovutish tizimi: haroratni nazorat qilishda innovatsion yondashuv
2025-yilgi ROG Strix SCAR 18 noutbukida yuqori yuklamalarda komponentlarning barqaror ishlashini ta’minlashga qaratilgan takomillashtirilgan sovutish tizimi joriy etilgan. Tizimning asosiy xususiyati yangi konstruksiyadagi radiator bo‘lib, unda sovutish qovurg‘alari bug‘latish kamerasining ikkala tomonida joylashgan. Yechim ishlab chiqaruvchiga ichki bo‘shliqdan foydalanishni optimallashtirish va issiqlik tarqatish samaradorligini oshirishga yordam berdi.
Markaziy va grafik protsessorlar uchun samarali issiqlik uzatishni ta’minlaydigan suyuq metall termointerfeys ishlatiladi. Sovuqlik korpusning yon va pastki panellari hamda klaviatura orqali kiradi. Sovutish tizimining samaradorligi 255 Vt gacha issiqlikni tarqatish imkonini beradi (Intel konfiguratsiyalarida), shovqin darajasi oldingi modellarga qaraganda past (ayniqsa Turbo rejimida). Flagmanlarning xizmat muddatini oshirishga esa tizim ifloslanishining oldini oluvchi o‘rnatilgan chang filtrlari yordam beradi.
Bundan tashqari, ASUS 2025-yil 1-yanvardan keyin sotib olingan ASUS, ROG va TUF seriyali noutbuklar uchun ASUS Perfect Warranty kengaytirilgan kafolat dasturini taqdim etadi. Ushbu dastur ishlab chiqaruvchining standart kafolati bilan qoplanmagan tasodifiy mexanik shikastlanishlar, suyuqlik ta’siri, kuchlanishning o‘zgarishi va jismoniy buzilishlardan himoya qiladi. ASUS Perfect Warranty`ni faollashtirish uchun xarid qilingan kundan boshlab 90 kun ichida qurilmani ASUS shaxsiy kabinetida ro‘yxatdan o‘tkazish talab qilinadi.
Noutbukni O‘zbekistondagi elektronika do‘konlaridan, shuningdek, ASUS rasmiy hamkori: nout.uz’dan xarid qilish mumkin.
Reklama huquqlari asosida.
Izoh (0)