Yanvar—fevral oylarida hududlar kesimidagi eng ko‘p eksport va import Toshkent shahridan amalga oshirilgan. Bu haqda Statistika qo‘mitasi maʼlum qildi.
2025-yil yanvar—fevral oylarida O‘zbekiston tashqi savdo aylanmasi hajmi 10,8 mlrd dollarga yetgan (2024-yil mos davrida 9,9 mlrd dollar). Shundan eksport ulushi 4,6 mlrd dollar, import hajmi 6,2 mlrd dollarni tashkil etdi. Tashqi savdo taqchilligi — 1,5 mlrd dollar.
Hududlar kesimida eksport va import hajmlarining yaxlit shakli quyidagicha:
- Toshkent shahri — 4 mlrd dollar;
- Toshkent viloyati — 807,9 mln dollar;
- Andijon viloyati — 602,5 mln dollar;
- Samarqand viloyati — 445,7 mln dollar;
- Farg‘ona viloyati — 364,7 mln dollar;
- Navoiy viloyati — 265,2 mln dollar;
- Jizzax viloyati — 244,2 mln dollar;
- Namangan viloyati — 221,4 mln dollar;
- Buxoro viloyati — 218,4 mln dollar;
- Surxondaryo viloyati — 183 mln dollar;
- Xorazm viloyati — 144,3 mln dollar;
- Qashqadaryo viloyati — 138,5 mln dollar;
- Sirdaryo viloyati — 107,9 mln dollar;
- Qoraqalpog‘iston Respublikasi — 104,6 mln dollar.
Qo‘mita hisobotlarida 2024-yilda hududlarning tashqi savdo aylanmasi hajmi qancha bo‘lgani ham maʼlum qilingandi. Eksport va import ko‘rsatkichlari bo‘yicha eng yirik ulush Toshkent shahriga to‘g‘ri kelgan — 25,3 mlrd dollar. Bu deyarli boshqa barcha hududlarning umumiy yillik tashqi savdosi hajmi teng.
O‘tgan yili Surxondaryo viloyatining tashqi savdodagi ishtiroki eng kam bo‘lgan — 416,1 mln dollar. Shu bilan birga, Sirdaryo (675 mln dollar) va Xorazm (857 mln dollar) viloyatlari hamda Qoraqalpog‘iston Respublikasi (681,6 mln dollar) eksport va import hajmlari bir mlrd dollarga ham yetmagan.
Izoh (0)