Amerika va Litva muhandislari Litvadagi mashg‘ulotlar paytida besh kun oldin yo‘qolgan AQSH armiyasining to‘rt harbiy xizmatchilarini topish maqsadida botqoqli hududni quritish bo‘yicha ishlar olib bormoqda.
Ularning zirhli transportyori chorshanba kuni taxminan besh metr chuqurlikda topildi. Qutqaruvchilar hali uning ichiga kira olmadi va transport vositasini chiqarib ololmadi.
Yaqinda AQSH Qurolli Kuchlari Litvaga suvni tortib olish uchun qo‘shimcha uskunalar yuborilgani haqida ma’lum qildi. Harbiylar yo‘qolgan joyda — Pabrade poligonida katta quvvatli kran va nasoslar ishlatilmoqda. Buning uchun 30 tonna shag‘al keltirildi.
Mutaxassislarning ogohlantirishicha, operatsiya ancha vaqt talab etadi.
Shanba kuni sho‘ng‘ishga urinish bo‘lgan, ammo zich loy qatlami qutqaruvchilarga cho‘kkan M88 Hercules’ga yetib borishga imkon bermagan. Askarlarning jasadlari ham topilmagan.
Polsha yordam sifatida muhandislar va maxsus uskunalar, shuningdek, allaqachon joyida ishlab turgan AQSH Harbiy-dengiz kuchlari g‘avvoslar jamoasini qo‘llab-quvvatlash uchun 150 nafar shaxsiy tarkibni yubormoqda.
Vilnyusdagi bosh ibodatxonada bedarak yo‘qolganlar sharafiga ibodat marosimi o‘tkazildi. Ularning nomlari oshkor qilinmayapti. Faqat ularning 3-piyoda diviziyasining 1-brigadasi harbiy xizmatchilari ekanligi ma’lum.
Yevropa va Afrikadagi Amerika qo‘mondonligining xabar berishicha, harbiy poligondagi botqoqlikda yo‘qolgan zirhli transportyorda uch nafar bedarak ketgan amerikalik askarning jasadi topilgan. To‘rtinchi harbiy xizmatchi hamon qidirilmoqda.
Izoh (0)