Toshkent viloyatida 26-28-mart kunlari kutilayotgan yog‘ingarchilik va havo haroratining o‘zgarishi sababli qor ko‘chish xavfi eʼlon qilinadi. Bu haqda “O‘zgidromet” xabar berdi.
- Ushbu hududlar: Bo‘stonliq, Ohangaron va Parkent tumanlarining (Chotqol tizmasining tog‘lari) tog‘li hududlarida dengiz sathidan 2000 metr balandlikda.
Tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyotkorlik choralarini ko‘rish so‘ralgan.
O‘zbekistonga dam olish kunlari nam va nisbatan salqin havo kirib kelgandi. 24-27-mart kunlari kutilayotgan yomg‘irli ob-havo sabab respublikaning 9 ta viloyati tog‘oldi va tog‘li hududlarida sel xavfi e’lon qilingan.
Tog‘li hududlarda 25-mart kuni qor ko‘chishi xavfi ham bor. Prognozlarga ko‘ra, beqaror ob-havo ish haftasining oxirigacha saqlanib turadi.
Izoh (0)