Тошкент вилоятида 26-28 март кунлари кутилаётган ёғингарчилик ва ҳаво ҳароратининг ўзгариши сабабли қор кўчиш хавфи эълон қилинади. Бу ҳақда “Ўзгидромет” хабар берди.
- Ушбу ҳудудлар: Бўстонлиқ, Оҳангарон ва Паркент туманларининг (Чотқол тизмасининг тоғлари) тоғли ҳудудларида денгиз сатҳидан 2000 метр баландликда.
Тоғли ҳудудларда истиқомат қилувчи фуқаролар, дам олувчилар ҳамда тоғли ҳудудларда ҳаракатланувчи ҳайдовчилардан эҳтиёткорлик чораларини кўриш сўралган.
Ўзбекистонга дам олиш кунлари нам ва нисбатан салқин ҳаво кириб келганди. 24-27 март кунлари кутилаётган ёмғирли об-ҳаво сабаб республиканинг 9 та вилояти тоғолди ва тоғли ҳудудларида сел хавфи эълон қилинган.
Тоғли ҳудудларда 25 март куни қор кўчиши хавфи ҳам бор. Прогнозларга кўра, беқарор об-ҳаво иш ҳафтасининг охиригача сақланиб туради.
Изоҳ (0)