AQSHning Nevada shtatida UFC 313 turniri bo‘lib o‘tdi. Markaziy janglarda yarim og‘ir vazn toifasida Magomed Ankalayev va Aleks Pereyra hamda yengil vazn toifasida Jastin Getji va Rafael Fiziyev o‘zaro kardga chiqdi.
Musobaqaning asosiy jangida yarim og‘ir vazn toifasida jang qiluvchi rossiyalik Magomed Ankalayev hamda braziliyalik Aleks Pereyra o‘zaro bahs olib bordi. To‘liq 5 raund davom etgan jangda hakamlar bir ovozdan Ankalayevning g‘alabasini qayd etdi. Shu tariqa rossiyalik sportchi yarim og‘ir vazn toifasida chempionlikka erishdi.
Yana bir asosiy jangda amerikalik Jastin Getji va ozarbayjonlik Rafael Fiziyev o‘zaro kardga chiqdi. Ushbu revansh jangida Getji Fiziev ustidan hakamlar qarori bilan g‘alaba qozondi.
Sportchilar o‘tgan yilning mart oyida ham uchrashishgan edi. Unda unda ham hakamlarning yakdil qarori bilan amerikalik jangchi g‘alaba qozongan.
Ma’lumot uchun, dastlab Getji Den Xukerga qarshi jang qilishi kerak edi, biroq Xuker jarohati tufayli jang o‘tkazilmaydigan bo‘ldi.
Izoh (0)