Ispan olimlarining bir guruhi ekspeditsiya davomida Antarktida yer qa’rida katta miqdordagi metan chiqindilarini aniqlaganini ma’lum qildi. Bu haqda El País nashriga tayanib, TASS xabar bermoqda.
Geologlar Rikardo Leon va Roje Urxelesdan iborat olimlar guruhi Sarmiento de Gamboa kemasida bo‘lgan paytlarida okeanda uzunligi 700 metr va kengligi 70 metrgacha bo‘lgan metan chiqindilarini kuzatishgan. Nashrning ta’kidlashicha, bu chiqindilar “sayyora iqlimi uchun xavfli omil” bo‘lishi mumkin.
Olimlar ekspeditsiyaga 12-yanvar kuni yo‘l olishgan. Nashrga ko‘ra, ushbu birikma taxminan 20 ming yil oldin dengiz tubida organik moddalarning metan gidratlari ko‘rinishida parchalanishi natijasida to‘plangan.
Biz bu hududda metan gidratlarida to‘plangan 24 gigatonna uglerod borligini hisobladik, bu butun insoniyatning ikki yillik chiqindilariga teng keladi, deya aniqlik kiritdi geolog.
Gazetaning yozishicha, muzlatilgan qattiq metan gazga aylanmoqda. Bunday hodisalar Arktikada allaqachon kuzatilgan, ammo Antarktidada ular birinchi marta qayd etilmoqda.
Olimlarning natijalari hozircha dastlabki bo‘lsa-da, gaz yer qa’ridan yer yoriqlari bo‘ylab sizib chiqayotganini taxmin qilinmoqda.
Ispan olimlari, shuningdek, dengiz cho‘kindilarining beqarorligi qit’a yonbag‘rida sunamiga sabab bo‘lishi mumkin bo‘lgan ulkan ko‘chkilarni keltirib chiqarishi mumkinligidan ogohlantirdilar.
Metan gidratlari gazga aylanganda, ular 160 baravar ko‘proq hajmni egallaydi. Agar u tezda tarqalib ketmasa, bu katta ko‘chkilarga olib kelishi mumkin, deb tushuntirdi mutaxassislardan biri.
Izoh (0)