Ipak Yo‘li Banki Yevropa Tiklanish va Taraqqiyot Banki (YTTB) tomonidan tashkil etilgan Green Economy Financing Facility (GEFF) dasturining yakuniy natijalariga bag‘ishlangan marosimda birdaniga ikkita nufuzli mukofotga sazovor bo‘ldi.
Ushbu mukofotlar — “GEFF Uzbekistan bilan birgalikda iqtisodiyotdagi uglerod izini kamaytirishdagi hissa uchun” hamda “Green TFP doirasidagi eng yaxshi texnologik loyiha” — bankning ekologik va energiya tejamkor yechimlarni rivojlantirishga qo‘shayotgan hissasini e‘tirof etadi.
Ipak Yo‘li Banki vakili “O‘zbekistonda yashil iqtisodiyotga o‘tish: taraqqiyot, qiyinchiliklar va keyingi qadamlar” mavzusidagi sessiyada ishtirok etdi. Muhokama davomida “yashil” texnologiyalarni joriy etish, energiya tejamkor tashabbuslarni qo‘llab-quvvatlash va ekologik jihatdan barqaror iqtisodiyot shakllantirish borasidagi asosiy yo‘nalishlar ta’kidlandi.
YTTB tomonidan birdaniga ikki mukofot olish — bankimiz uchun barqaror kelajak sari muhim qadamdir. Energiyani tejash va “yashil” texnologiyalar sohasidagi tashabbuslarimiz yuksak baholangani bizni mamnun etadi. Kelajakda ham ekologik loyihalarni kengaytirib, butun mamlakat taraqqiyotiga hissa qo‘shish niyatidamiz, deya qayd etdilar bank Ipak Yo‘li Banki rahbariyatida. Ipak Yo‘li Banki ekotizim va energiya tejamkorligi sohasidagi faoliyatini yuksak qadrlagani uchun tashkilotchilar hamda hamkorlarga minnatdorlik bildiradi. Kelgusida bank “yashil” loyihalarni rivojlantirishni, shuningdek, xalqaro institutlar bilan hamkorlikni mustahkamlashni reja qilgan bo‘lib, shu orqali O‘zbekistonning barqaror rivojlanishiga ulkan hissa qo‘shishni maqsad qilgan.
GEFF dasturi doirasida YeTTB bilan hamkorlik tarixi:
- 2019-yil 10-sentabr. Ipak Yo‘li Bank va YTTB o‘rtasida 5 mln AQSh dollari miqdoridagi birinchi bitim imzolandi. Ushbu mablag‘ kichik va o‘rta biznes (KO‘B) loyihalarini moliyalashtirishga yo‘naltirilib, yuqori samarali va energiya tejamkor texnologiyalar hamda qayta tiklanadigan energiya manbalaridan foydalanishni rag‘batlantirishni maqsad qilgan.
- 2022-yil 1-dekabr. GEFF doirasida energiya tejamkor KO‘B loyihalarini moliyalashtirishni davom ettirish uchun 6 mln AQSh dollari (o‘zbek so‘mi ekvivalentida) bo‘yicha ikkinchi bitim imzolandi.
- 2023-yil 1-dekabr. GEFF II bitimi imzolandi: 20 mln AQSh dollari hajmidagi yangi mablag‘ bankning “yashil” portfelini kengaytirish va ekologik toza texnologiyalarni faol joriy etishga xizmat qiladi.
Qo‘shimcha ma’lumot uchun:
Telefon: +998 (78) 140-69-00
Telegram: @ipaksupport
Elektron pochta: info@ipakyulibank.uz
Reklama huquqi asosida.
Izoh (0)