7 ta shahar, 21 ta ma’ruzachi va 45 soat foydali kontent: IT Community of Uzbekistan’dan IT Roadshow yil yakunini sarhisob qildi

2024-yilda IT Roadshow jamoasi 7 ta shaharda bo‘lib, 1000 dan ortiq yosh mutaxassislar, maktab o‘quvchilari va talabalar uchrashuvlarda ishtirok etdi.

IT Roadshow — bu mamlakatning 19 shahrida o‘tkaziladigan yetakchi IT-mutaxassislarining ma’ruzalari, master klasslari va seminarlaridir. 

Uchrashuvlar Toshkent, Olmaliq, Guliston, Farg‘ona, Qo‘qon, Namangan, Andijon shaharlarida bo‘lib o‘tdi. Milliy va xalqaro kompaniyalarning 21 nafar spikeri IT sohasida karyerani qanday boshlash, rezyume tuzish, hamfikrlarni topish va kasbiy o‘sishga yordam beradigan muhit haqida so‘zladi.

Barcha IT Roadshow tadbirlari bepul bo‘lib, 3 tilda: o‘zbek, rus va ingliz tillarida o‘tkaziladi.

Roadshow IT Community of Uzbekistan, Uzum ekotizimi, UZINFOCOM, School 21, IT Park, Raqamli texnologiyalar vazirligi, Women in Tech xalqaro assotsiatsiyasi ko‘magida o‘tkazilmoqda. Tashkilotda 100 dan ortiq ko‘ngillilar ishtirok etmoqda.

Loyihamiz butun mamlakatdagi intiluvchi yoshlarga yordam bermoqda. Quvonarlisi, ular savol berishdan tortinishmaydi, ekspertlarni tinglab va ularning tajribasini o‘rganish uchun qiziqish bilan keladi. Har bir spikerning bilimi esa oltinga teng. Xususan, Uzum’dan kelgan spikerlar. Umumiy ishga qo‘shayotgan hissasi uchun Uzum ekotizimini qadrlaymiz va minnatdorchilik bildiramiz, deya fikr bildirdi Shavkat Karimov.

IT Community Roadshow’da chiqish qiziqarli bo‘ldi. O‘zbekiston IT sohasini rivojlantirishni istaydigan yosh, ammo tajribali va aqlli yigit-qizlarni ko‘rish juda yoqimli. IT Community of Uzbekistan va Uzum tomonidan amalga oshirilayotgan ishlarda yoshlarni qo‘llab-quvvatlash, o‘z tajribalarimiz bilan o‘rtoqlashish va rivojlanish uchun imkoniyatlar yaratish muhimdir, deb ta’kidladi Uzum Bank Payment Mechanics Team Lead lavozimida ishlovchi hamda Namangan va Andijonda ma’ruza qilgan Feruzbek Rahmonov.

Sheriklik huquqi asosida.