O‘zbekiston va xorijiy kompaniyalar ekspertlari mamlakatimizning 19 ta shahrida yosh mutaxassislar uchun IT sohasida karyera qurish bo‘yicha ma’ruzalar va master-klasslar o‘tkazadilar.
Mutaxassislar qanday qilib birinchi ishni topish yoki frilanser bo‘lish, yangi ko‘nikmalarni tezda o‘zlashtirish, LinkedIn'da profilingizni rivojlantirish, karyera o‘sishi uchun AI vositalaridan foydalanish haqida gapirib berishadi. IT Roadshow spikerlari orasida:
- IT Community of Uzbekistan rahbari Shavkat Karimov,
- Women in Tech Uzbekistan direktori Anna Ambrozevich,
- HR-koordinator Group IB Dilafruz Yusupova,
- U-Enter innovatsiya markazi direktori o‘rinbosari Ilhom Aliyev
- va G42'da Sun’iy Intellekt loyihasi menejeri Ivan Doronin.
Barcha ma’ruzalar, master-klasslar, seminarlar va Q&A-sessiyalar bepul bo‘lib, uch tilda: o‘zbek, ingliz va rus tillarida o‘tkaziladi.
— Mutaxassis qaysi shahar yoki qishloqda yashashidan qat’i nazar, IT dunyosi katta imkoniyatlarni ochadi. Va bizning vazifamiz — ularga birinchi, eng qiyin qadamlarni qo‘yishda yordam berish, — deydi Shavkat Karimov, Head of IT Community of Uzbekistan. — Biz tajribali ekspertlar va boshlovchi mutaxassislarni hamfikrlar hamjamiyatiga birlashtirmoqdamiz, u yerda har bir kishi yordam va maslahat topadi. Bugungi kunda hamjamiyatda 14 000 dan ortiq ishtirokchi bor, ishonchim komilki, Roadshow davomida biz yanada ko‘payamiz.
— Uzum va har qanday muvaffaqiyatli kompaniyaning asosiy aktivi - bu jamoa, o‘sish uchun esa iste’dodlarni yollash va o‘stirish muhim, - deydi Uzum operatsion direktori Roman Lavrentev. — Biz Uzum'da ishlash butun mamlakat bo‘ylab iqtidorli yigit-qizlar uchun orzu va maqsad bo‘lishini istaymiz va ularga bu maqsad sari dastlabki qadamlarni qo‘yishda yordam berishga tayyormiz.
IT Community Roadshow 26-oktyabr kuni soat 10.00 da Toshkentda boshlanadi va mart oyining oxirigacha davom etadi. 6 oy davomida ekspertlar Toshkent, Sirdaryo, Bekobod, Olmaliq, Qo‘qon, Andijon, Namangan, Farg‘ona, Jizzax, Samarqand, Qarshi, Termiz, Denov, Buxoro, Navoiy, Zarafshon, Urganch, Xiva, Nukus shaharlariga tashrif buyuradi.
Ochilishga quyidagi havola orqali ro‘yxatdan o‘tish mumkin: https://t.me/itcomuzbot.
Roadshow IT Community of Uzbekistan, Uzum ekotizimi, UZINFOCOM, 21-maktab, IT Park, Raqamli texnologiyalar vazirligi, Women in Tech xalqaro assotsiatsiyasi hamda AIM Lab ko‘magida o‘tkaziladi.
Sheriklik huquqi asosida.
Izoh (0)