Futbol bo‘yicha O‘zbekiston Superligasining o‘tish uchrashuvlari 4-dekabr, chorshanba kuni bo‘lib o‘tdi.
Unda “Qo‘qon-1912” jamoasi Bekobodning “Metallurg”iga qarshi bahs olib bordi. O‘yinning birinchi bo‘limida Zabihillo O‘rinboyev jamoasini hisobda oldinga olib chiqdi.
Ikkinchi bo‘limning 77 daqiqasida esa Shahzod Beshimov gol urib, hisobni tenglashtirdi.
Uchrashuv penaltilar seriyasiga qadar davom etdi. Yakunda qo‘qonliklar seriyada 3:2 hisobida g‘alabaga erishdi.
Shunday qilib, “Qo‘qon-1912” ikki yillik tanaffusdan so‘ng yana elitaga qaytdi.
Avvlaroq “Sho‘rtan” “Olimpik”ni mag‘lub etib, Superligaga qaytgandi.
Endi Superliganing so‘nggi yo‘llanmasi uchun “Olimpik” va “Metallurg” o‘zaro bahs olib boradi. Mazkur bahs 9-dekabr kuni soat 15:00 da “Bunyodkor” stadionida bo‘lib o‘tadi.
Izoh (0)