Футбол бўйича Ўзбекистон Суперлигасининг ўтиш учрашувлари 4 декабрь, чоршанба куни бўлиб ўтди.
Унда “Қўқон-1912” жамоаси Бекободнинг “Металлург”ига қарши баҳс олиб борди. Ўйиннинг биринчи бўлимида Забиҳилло Ўринбоев жамоасини ҳисобда олдинга олиб чиқди.
Иккинчи бўлимнинг 77 дақиқасида эса Шаҳзод Бешимов гол уриб, ҳисобни тенглаштирди.
Учрашув пенальтилар сериясига қадар давом этди. Якунда қўқонликлар серияда 3:2 ҳисобида ғалабага эришди.
Шундай қилиб, “Қўқон-1912” икки йиллик танаффусдан сўнг яна элитага қайтди.
Аввлароқ “Шўртан” “Олимпик”ни мағлуб этиб, Суперлигага қайтганди.
Энди Суперлиганинг сўнгги йўлланмаси учун “Олимпик” ва “Металлург” ўзаро баҳс олиб боради. Мазкур баҳс 9 декабрь куни соат 15:00 да “Бунёдкор” стадионида бўлиб ўтади.
Изоҳ (0)