UZCARD kompaniyasi 20 yillik yubiley munosabati bilan alohida ehtiyojli bolalar uchun inklyuziv ta’limni qo‘llab-quvvatlashga qaratilgan ezgu tashabbusni amalga oshirdi.
Mazkur dastur doirasida Toshkent shahridagi ko‘zi ojiz bolalarga ixtisoslashtirilgan 77-maktab-internatga 6000 dona Brayl yozuvi daftarlari xarid qilinib topshirildi.
UZCARD kompaniyasi alohida ehtiyojlaridan qat’i nazar, barcha bolalar uchun ta’lim olish imkoniyatini yaratish muhimligini tushunadi. Brayl yozuvi - ko‘zi ojiz bolalar uchun bilim va o‘zini ifoda etish eshiklarini ochadigan asosiy ko‘nikmadir.
Brayl yozuv daftarlari kabi sifatli o‘quv materiallarini taqdim etish ko‘rish nuqsoni bo‘lgan bolalarning rivojlanishida muhim ahamiyatga ega ekanligiga va ularga yuqori natijalarga erishishda yordam berishiga ishonchimiz komil.
Har bir bola qulay sharoitlarda o‘qish va o‘z qobiliyatini rivojlantirish imkoniyatiga munosibdir. Ushbu tashabbus - bolalar o‘z salohiyatini ro‘yobga chiqara oladigan va hayotda muvaffaqiyatga erisha oladigan inklyuziv jamiyatni yaratishga o‘z hissamizni qo‘shish usulidir.
“Bugun UZCARD kompaniyasi ko‘zi ojiz bolalarni qo‘llab-quvvatlash tadbirini o‘tkazdi. Tadbir doirasida kompaniya o‘quvchilarimizga zarur maktab anjomlarini taqdim etdi. UZCARD kompaniyasiga o‘z minnatdorchiligimni bildirmoqchiman. Bunday tashabbuslar shunchaki moddiy yordam emas. Bolalar bunday yordamni olgach, o‘zlarini katta jamiyatning bir qismi deb bilishadi, ular haqida qayg‘urishlarini va kelajaklariga ishonishlarini his qilishadi”, deb ta’kidladi maktab direktori Rustam Safarov.
“Bilim har qanday to‘siqni yengishga yordam beradigan va yangi imkoniyatlarni ochadigan kuchdir. Agar bilim izlashda to‘xtamasangiz, har biringiz yuksak cho‘qqilarga erishish salohiyatiga egasiz. O‘z oldingizga ulkan maqsadlar qo‘yishdan cho‘chimang. Yo‘lingiz doimo qiziqarli kashfiyotlarga boy bo‘lsin va sizga omad yor bo‘lsin!” deya o‘quvchilarga o‘z tilaklarini bildirdi UZCARD ijrochi direktori Olimjon Zokirov.
Daftarlar tantanali ravishda topshirildi, kompaniya vakillari maktab-internat o‘qituvchilari va o‘quvchilari bilan uchrashishdi. Umid qilamizki, sovg‘a qilingan daftarlar nafaqat ta’lim uchun foydali vosita, balki har bir bolaning kelajagi haqida qayg‘urish ramziga aylanadi.
Bundan tashqari, ushbu tashabbus adolatli va inklyuziv jamiyatni yaratishga qaratilgan UZCARD ijtimoiy mas’uliyat dasturining bir qismidir.
Bolalarning ta’limiga sarmoya kiritish - bu nafaqat ularning kelajagiga, balki mamlakat kelajagiga ham sarmoya kiritishdir.
Reklama huquqi asosida.
Izoh (0)