UZCARD компанияси 20 йиллик юбилей муносабати билан алоҳида эҳтиёжли болалар учун инклюзив таълимни қўллаб-қувватлашга қаратилган эзгу ташаббусни амалга оширди.
Мазкур дастур доирасида Тошкент шаҳридаги кўзи ожиз болаларга ихтисослаштирилган 77-мактаб-интернатга 6000 дона Брайл ёзуви дафтарлари харид қилиниб топширилди.
UZCARD компанияси алоҳида эҳтиёжларидан қатъи назар, барча болалар учун таълим олиш имкониятини яратиш муҳимлигини тушунади. Брайл ёзуви - кўзи ожиз болалар учун билим ва ўзини ифода этиш эшикларини очадиган асосий кўникмадир.
Брайл ёзув дафтарлари каби сифатли ўқув материалларини тақдим этиш кўриш нуқсони бўлган болаларнинг ривожланишида муҳим аҳамиятга эга эканлигига ва уларга юқори натижаларга эришишда ёрдам беришига ишончимиз комил.
Ҳар бир бола қулай шароитларда ўқиш ва ўз қобилиятини ривожлантириш имкониятига муносибдир. Ушбу ташаббус - болалар ўз салоҳиятини рўёбга чиқара оладиган ва ҳаётда муваффақиятга эриша оладиган инклюзив жамиятни яратишга ўз ҳиссамизни қўшиш усулидир.
“Бугун UZCARD компанияси кўзи ожиз болаларни қўллаб-қувватлаш тадбирини ўтказди. Тадбир доирасида компания ўқувчиларимизга зарур мактаб анжомларини тақдим этди. UZCARD компаниясига ўз миннатдорчилигимни билдирмоқчиман. Бундай ташаббуслар шунчаки моддий ёрдам эмас. Болалар бундай ёрдамни олгач, ўзларини катта жамиятнинг бир қисми деб билишади, улар ҳақида қайғуришларини ва келажакларига ишонишларини ҳис қилишади”, деб таъкидлади мактаб директори Рустам Сафаров.
“Билим ҳар қандай тўсиқни енгишга ёрдам берадиган ва янги имкониятларни очадиган кучдир. Агар билим излашда тўхтамасангиз, ҳар бирингиз юксак чўққиларга эришиш салоҳиятига эгасиз. Ўз олдингизга улкан мақсадлар қўйишдан чўчиманг. Йўлингиз доимо қизиқарли кашфиётларга бой бўлсин ва сизга омад ёр бўлсин!” дея ўқувчиларга ўз тилакларини билдирди UZCARD ижрочи директори Олимжон Зокиров.
Дафтарлар тантанали равишда топширилди, компания вакиллари мактаб-интернат ўқитувчилари ва ўқувчилари билан учрашишди. Умид қиламизки, совға қилинган дафтарлар нафақат таълим учун фойдали восита, балки ҳар бир боланинг келажаги ҳақида қайғуриш рамзига айланади.
Бундан ташқари, ушбу ташаббус адолатли ва инклюзив жамиятни яратишга қаратилган UZCARD ижтимоий масъулият дастурининг бир қисмидир.
Болаларнинг таълимига сармоя киритиш - бу нафақат уларнинг келажагига, балки мамлакат келажагига ҳам сармоя киритишдир.
Реклама ҳуқуқи асосида.
Изоҳ (0)