Bugun, 21-oktyabr kuni shimoliy hududlarga nam havo massalari kirib kelishi kutilmoqda, buning natijasida kunning ikkinchi yarmida Buxoro, Navoiy viloyatlarida va kechga tomon Xorazm viloyatida baʼzi joylarda biroz yomg‘ir yog‘adi, deb xabar bermoqda “O‘zgidromet”.
Kunduzi havo harorati 24-27 darajani, shimolda 12-17 darajani tashkil etadi.
22-oktyabr, seshanba kuni respublika hududining katta qismida yomg‘ir yog‘adi, shamol baʼzi joylarda 15-18 metr/sekundgacha kuchayishi kutilmoqda. Kunduzgi harorat 15-20 darajagacha pasayadi.
Chorshanba va payshanba kunlari faqat respublikaning janubiy va sharqiy hududlarida yomg‘ir yog‘ishi ehtimoli bor. O‘zbekiston bo‘yicha eng jadal yomg‘ir yog‘ishi 25-oktyabrga prognoz qilinmoqda.
Havo harorati 23-oktyabrda kechasi 8-13 daraja, kunduzi 10-15 daraja, 24-oktyabrda kechasi 5-10 daraja, kunduzi 12-17 daraja, 25-oktyabrda kechasi 5-10 daraja, kunduzi 14-19 daraja bo‘ladi.
22-oktyabrdan 25-oktyabrgacha respublikaning tog‘oldi va tog‘li hududlarida baʼzi joylarda yomg‘ir yog‘ishi kutilmoqda, 23—25-oktyabrda ayrim hududlarda baʼzi joylarda kuchli yomg‘ir yog‘ishi mumkin, baland tog‘li hududlarda qorga aylanadi.
Toshkentda seshanba kuni kechga tomon vaqti-vaqti bilan yomg‘ir yog‘adi. Harorat kechasi 11-13 daraja, kunduzi 17-19 daraja bo‘ladi. 23—24-oktyabrda ham yomg‘ir yog‘ishi mumkin. Harorat 23-oktyabrda kechasi 11-13 daraja, kunduzi 13-15 daraja, 24-oktyabrda kechasi 8-10 daraja, kunduzi 15-17 daraja bo‘ladi.
Izoh (0)