ICT Week 2024 doirasida UZTELECOM yana bir bor innovatsiyalar rivojlanishning asosiy omili ekanligini ko‘rsatdi. Kompaniya biznes imkoniyatlarini kengaytiruvchi va abonentlar hayot sifatini oshiruvchi keng ko‘lamli yechimlarni taqdim etdi. Ko‘rgazma doirasida UZTELECOM 5.5G texnologiyasini ishga tushirish, texnika savdosiga ixtisoslashgan chakana savdo yo‘nalishining ochilishini, shuningdek, sun’iy intellekt asosidagi xizmat va mahsulotlarni, individual va korporativ mijozlar uchun yangi xizmatlarni namoyish etdi.
5.5G — internet tezligining yangi davrini bugunoq sinab ko‘rish imkoniyati
UZTELECOM ko‘rgazmaning dastlabki kunida 5.5G standartini taqdim etdi. O‘zbekiston Raqamli texnologiyalar vaziri Sherzod Shermatov ushbu ilg‘or texnologiyani ishga tushirdi. Tashrif buyuruvchilar yangi tarmoqning aqlbovar qilmas imkoniyatlariga guvoh bo‘lishdi — Speedtest yuqori tezlikni 4942,24 Mbit/s darajasida qayd etdi.
5.5G texnologiyasining ishga tushirilishi loyihaning strategik hamkori – Huawei kompaniyasining innovatsion yechimlari tufayli amalga oshirildi.
UZTELECOMning kundalik hayot uchun mo‘ljallangan qulay yechimlar
Mijozlarga tanish MyUZTELECOM ilovasi yangilanishlar natijasida yanada foydali va qulay imkoniyatlarga ega bo‘ldi. Endi yangi telefon raqamini ulash yoki uy internetiga ulanish uchun smartfoningizning o‘zi kifoya, hatto uydan chiqishingiz ham shart emas. Telefon raqamini standart SIM-kartaga ham, eSIM’ga ham ulashingiz mumkin, uy internetini ulash uchun buyurtma esa bir sutka ichida amalga oshiriladi.
UZTELECOM ko‘rgazma davomida bir qator mahorat darslarini tashkil etdi, jumladan, VoWi-Fi texnologiyasi bo‘yicha batafsil ma’lumotlar berildi. Ushbu texnologiya uy yoki jamoat Wi-Fi tarmog‘i orqali qo‘ng‘iroq qilish va qo‘ng‘iroqlarni qabul qilish imkonini beradi. VoWi-Fi mobil aloqa qamrovi kuchli bo‘lmagan hududlar uchun dolzarb hisoblanadi. Signal yo‘qligida yoki kuchsiz bo‘lganda, VoWi-Fi sifatli aloqa va tiniq ovozni ta’minlaydi.
Biznes uchun yechimlar: sun’iy intellektdan kiberxavfsizlik sohasidagi ishlanmalargacha
UZTELECOM korporativ mijozlar uchun sun’iy intellekt asosida ishlab chiqilgan uchta mahsulotni taqdim etdi. Ushbu mahsulotlar mijozlar bilan o‘zaro aloqani optimallashtirish va xarajatlarni qisqartirish imkonini beradi.
Chiquvchi qo‘ng‘iroqlarni avtomatlashtirish: sun’iy intellekt qo‘ng‘iroqlarni amalga oshirish vazifasini o‘z zimmasiga olishi mumkin, bu esa telemarketing va qarzdorliklarni undirish sohasidagi ish jarayonini sezilarli darajada yengillashtiradi.
Kiruvchi qo‘ng‘iroqlarni avtomatlashtirish: sun’iy intellekt asosida yaratilgan robot texnik qo‘llab-quvvatlash bo‘yicha vazifalarni o‘z zimmasiga olib, mijozlar tomonidan tez-tez beriladigan savollarga javob beradi.
AI-yordamchi: virtual kotib muntazam vazifalarni avtomatlashtiradi va e’tiboringizni muhimroq ishlarga qaratish imkonini beradi.
Bundan tashqari, kompaniya raqamli tahdidlar o‘sib borayotgan sharoitda ayniqsa dolzarb bo‘lgan kiberxavfsizlik sohasidagi o‘z yechimlarini ham taqdim etdi.
UZTELECOM texnika chakana savdosini muddatli to‘lov asosida bonusiga Kompaniya xizmatlari bilan birga xarid qilish imkoniyatini yo‘lga qo‘ymoqda.
ICT Week 2024 doirasida UZTELECOM chakana savdo yo‘nalishini ishga tushirayotgani haqida e’lon qildi. Endilikda kompaniya ofislarida texnikalarni muddatli to‘lovga xarid qilishingiz va yoqimli bonuslarga ega bo‘lishingiz mumkin. Hozirning o‘zida smartfonlar va Smart TV televizorlarining sotuvi yo‘lga qo‘yilgan. Xaridorlar sovg‘a sifatida routerlar, TelecomTV obunasi, mobil va uy interneti to‘plamlarini qo‘lga kiritishlari mumkin.
UZTELECOM Travel — chiptalar va mehmonxonalar uchun yagona servis
Kompaniya tomonidan taqdim etilgan yangiliklardan biri UZTELECOM Travel platformasi bo‘ldi. Ushbu platforma sayohatingizni rejalashtirish vaqtini sezilarli darajada qisqartiradi. Servis yordamida aviabiletlar va temir yo‘l marshrutlari narxlarini tezda solishtirishingiz, chet eldagi o‘zingizga mos mehmonxonani tanlashingiz va bron qilishingiz mumkin. Platforma dunyodagi yetakchi agregatorlarning takliflarni jamlaydi va foydalanuvchiga eng maqbul variantni topishga yordam beradi. Kelajakda kompaniya keshbek bonus tizimini joriy etishni rejalashtirmoqda, natijada UZTELECOM bilan sayohatlaringiz yanada foydaliroq bo‘ladi.
Interaktiv zonalar va mashhur mehmonlar
ICT Week tashrif buyuruvchilari UZTELECOM tomonidan taqdim etilayotgan imkoniyatlar haqida batafsil ma’lumot olishdi, shuningdek, mashhur blogerlar bilan muloqot qilish imkoniyatiga ega bo‘lishdi. Sa’dulla Abdullayev (Texnoplov) va Ruxsora Mirjalilova (Ruhsoraemm) kabi ijtimoiy tarmoq yulduzlari mehmon sifatida ishtirok etishdi. Ular qiziqarli blits-so‘rovlar o‘tkazishdi, auditoriya savollariga javob berishdi va ishtirokchilar bilan sur’atga tushishdi.
UZTELECOM tomonidan sovrinli viktorinalar o‘tkazilib, TelecomTV tomonidan qimmatbaho sovrinlar taqdim qilindi. Yaqin vaqt ichida O‘zbekistonda faoliyat olib borayotgan barcha mobil operatorlarning GSM-abonentlari TelecomTV servisidan foydalanish imkoniyatiga ega bo‘lishadi.
UZTELECOM tomonidan taqdim etilayotgan yangi imkoniyatlardan doimiy xabardor bo‘lish uchun kompaniyaning ijtimoiy tarmoqlardagi sahifalariga obuna bo‘ling!
Telegram: https://t.me/uztelecomuz
Facebook: https://www.facebook.com/uztelecom/
Instagram: https://www.instagram.com/uztelecomuz/
Website: https://uztelecom.uz/
Reklama huquqi asosida.
Izoh (0)