Yaqinda o‘tkazilgan ICT Week 2024 ko‘rgazmasida Central Asian University (CAU) o‘zining yuqori darajasini yana bir bor namoyon etdi va eng yaxshi startap stendi uchun nufuzli mukofotga sazovor bo‘ldi. Talabalar tibbiyot va IT sohasidagi innovatsion mahsulotlarini taqdim etdilar, ular soha mutaxassislarini ham, tadbir ishtirokchilarini ham hayratda qoldirdi.
Davo: Sun’iy intellekt sog‘liq posboni
Ayniqsa, Davo startapi — ehtimoliy kasalliklarni dastlabki tashxislashda odamlarga yordam beruvchi sun’iy intellekt texnologiyalaridan foydalanuvchi noyob simptom-tekshiruvchi alohida e’tiborni tortdi. Foydalanuvchilarga puxta ishlab chiqilgan 18 ta savoldan iborat testdan o‘tish taklif etiladi, shundan so‘ng tizim javoblarni tahlil qilib, salomatlik bilan bog‘liq ehtimoliy muammolar bo‘yicha tavsiyalar beradi. Biroq Davo oddiy tashxisdan ham ilgarilab ketgan: platforma shifokorlar va mutaxassislarni tanlash bo‘yicha tavsiyalar ham beradi, bu esa foydalanuvchilarga o‘z vaqtida tibbiy xizmatdan foydalanishni osonlashtiradi. Ko‘rgazmadagi startapning interaktiv maydoni eng ko‘p tashrif buyurilgan joylardan biriga aylandi va zamonaviy texnologiyalar sog‘liqni saqlashni qanday qilib yanada qulay va samarali qilishi mumkinligini yaqqol namoyish etdi.
EduPlus: Ta’lim jarayonidagi inqilob
Ta’lim muassasalaridagi o‘quv jarayonlarini optimallashtirishga qaratilgan ta’limni boshqarish sohasidagi innovatsion platforma — EduPlus loyihasi ham katta taassurot qoldirdi. Tizim talabalarga dars jadvali, topshiriqlarni boshqarish va o‘qituvchilarning testlarini topshirishga qulay kirish imkonini beradi. EduPlus’ning o‘ziga xos xususiyati o‘yinlashtirilgan yondashuvdir: talabalar o‘qishdagi yutuqlari uchun qimmatbaho sovg‘alarga almashtirishlari mumkin bo‘lgan ballarni to‘playdilar. Bunday tizim ta’limga qiziqishni oshiradi va o‘quvchilarning faolligini kuchaytiradi, ta’lim jarayonini yanada interaktiv va motivatsiyali qiladi.
-6DHWLRrc.jpeg)
Central Asian University talabalarining ICT Week 2024dagi muvaffaqiyatlari universitetning kelajak yetakchilarini tarbiyalashda zamon bilan hamnafas ekanining yorqin dalilidir. Innovatsiyalar, yuqori ta’lim standartlari va mukammallikka intilish CAUʼni jahon darajasidagi mutaxassislarni tayyorlaydigan Markaziy Osiyodagi yetakchi oliy o‘quv yurtlaridan biriga aylantirmoqda.
So‘nggi yillarda CAU jahon fikr yetakchilari va turli soha mutaxassislarini o‘ziga jalb qiluvchi markazga aylanib, o‘z talabalariga dunyo yetakchilari va taniqli mutaxassislar bilan muloqot qilish uchun noyob imkoniyatlarni taqdim etmoqda.
O‘tgan yil davomida talabalar Mey Mask, Jordan Piterson va Nobel mukofoti laureati Muhammad Yunus kabi ko‘plab nufuzli shaxslar bilan shaxsan tanishish va ulardan tajriba o‘rganish imkoniyatiga ega bo‘ldilar. Bu uchrashuvlar ularning dunyoqarashini kengaytiradi va tanlangan sohalarida yuqori natijalarga erishishga undaydi.
Reklama huquqi asosida.
Izoh (0)