Jennifer Garner muxlislari uchun ferma uslubidagi uyiga sayohat uyushtirdi. Hashamatli uyning narxi 7,9 mln dollardan oshadi.
52 yoshli aktrisa 2019-yilda Ben Afflek bilan ajrashgandan so‘ng o‘ziga yangi uy sotib olib jihozlagan edi.
Jen barcha tayyor variantlarni rad etganidan so‘ng, dizayner Bruk Jannetti va uning turmush o‘rtog‘i, me’mor Stiv Jannettiga murojaat qiladi.
“Men vahimaga tusha boshladim, lekin hatto jurnaldagi rasmlarni ko‘rsatishga ham to‘g‘ri kelmadi. Men shunchaki nima xohlaganimni aytdim, ular hammasini ko‘nglimdagidek qilib berishdi”, deya davom etadi Garner.
Yulduzning orzusidagi uyda Garri Potter uslubidagi xona, akvarium va tungi ziyofatlar uchun joylar bor. Garnerning sevimli joyi — kitob o‘qish burchagi. Bundan tashqari, Jennifer ovqat pishirishni juda yaxshi ko‘radi, sabzavot va ko‘katlarni o‘zi yetishtiradi.
Izoh (0)