Go‘zal turk aktrisasi The Netizens Report jurnalining yillik reytingiga ko‘ra, eng jozibali yulduzlar orasida birinchi o‘rinni egalladi. U jahon miqyosidagi raqiblarini, shuningdek, turk seriallaridagi eng go‘zal hamkasblaridan biri — Hande Erchelni ham ortda qoldirdi.
U o‘z hamkasbi Hande Ercheldan o‘zib ketishga muvaffaq bo‘ldi, shuningdek, Zendaya, Kim Kardashyan va Kendall Jennerdan bir necha pog‘ona yuqoriga ko‘tarildi. “Klyukva sharbati” seriali yulduzi reytingda birinchi o‘rinni olgan birinchi turk ayoliga aylandi. Silaning muxlislari bu maqomga u nafaqat go‘zalligi, balki aktrisalik qobiliyati tufayli ham erishganiga shubha qilmaydi. Aktrisa bir nechta muvaffaqiyatli televizion loyihalar, mashhur teleko‘rsatuvlarda ishtirok etgan, ko‘plab xayriya ishlariga ham hissa qo‘shgan.
Qizig‘i shundaki, Sila kutilmaganda kinoga kelib qolgan. Bolaligida bo‘lajak yulduz shunchaki voleybolni yaxshi ko‘rardi va maktabdan bo‘sh vaqtida mazkur sport bilan shug‘ullanardi. Bundan tashqari, Turko‘g‘li rasm chizishga jiddiy qiziqardi, ustozlari uning iste’dodini ta’kidlab, kelajakda u buyuk rassom bo‘lishini aytishardi. Ammo maktabdagi betashvish kunlar ortda qolgach, to‘p bilan bo‘yoqlarni chetga surib qo‘yishga to‘g‘ri keladi.
Ijtimoiy tarmoqlarda qizning suratlarini ko‘rganidan so‘ng, aktyorlik agenti u bilan bog‘lanib, mahalliy teleserialning kastingida qatnashishga taklif qiladi. Sila biroz shubhalanadi, chunki bolaligida tengdoshlari uning ko‘rinishini tez-tez tanqid qilib, uni yig‘lashga va chiroyidan ko‘z yumishga majbur qilishardi.
Silaning birinchi loyihasi “Yig‘lamang, ona” dramasi bo‘lib, unda bosh qahramonning yoshligini o‘ynaydi. Buning ortidan “Qasam” va “Ishonch” filmlarida mamlakatning asosiy yulduzlari bilan rol ijro etadi. Ammo uni “Klyukva sharbati” melodramasida haqiqiy muvaffaqiyat kutayotgandi, mazkur serial hatto reyting bo‘yicha yetakchilikni bermay kelayotgan “Qo‘rg‘on sirlari”ni ham ortda qoldiradi.
Silaning so‘zlariga ko‘ra, bugungi kunda u kinoda o‘zini “suvdagi baliq” kabi his qiladi. Aktrisa ko‘pincha teleseriallarga jiddiy e’tibor berilmasligini bir necha bor ta’kidlagan, ammo rejissyorlar va ssenariy mualliflari ko‘pincha ularda muhim masalalarni ko‘tarishga harakat qilishadi. Masalan, “Klyukva sharbati”da Turkiyada eng nozik masalalardan biri bo‘lgan jamiyatdagi kamsitish muammosi faol muhokama qilinadi. Internetda avj olgan ushbu masala bo‘yicha bahslar serialdan so‘ng yana yangi bosqichga ko‘tarildi.
Bugungi kunda Sila Turko‘g‘li teleseriallarda faol ishtirok etishda va muhtojlarga yordam berishga sarmoya kiritishda davom etmoqda. Aktrisa shaxsiy blogida tez-tez hayotidan lavhalarni baham ko‘radi va suratga olish maydonchasidagi tanaffusida obunachilari bilan suhbatlashishdan xursand bo‘ladi.
Izoh (0)