Bu mashhurlar o‘z farzandlarini tan olmagan, hatto ular bilan gaplashmaydi ham.
Tom Kruz
Aktyorning bitta biologik qizi bor. Qiz Suri yulduzning aktrisa Keti Holms bilan nikohidan tug‘ilgan. Kruz ajrashgandan keyin qizidan xabar olmaydi — uni ko‘rmaganiga 11 yildan oshdi. Iyun oyida 18 yoshli Suri otasining familiyasidan voz kechgani ma’lum bo‘ldi. Aktyor bu yangilikka izoh bermadi, ammo insayderlarning ta’kidlashicha, Kruz qiz bilan muloqot qilishni istamaydi va Holms bilan ajrashgandan keyin u bilan munosabatlarni yaxshilashga harakat ham qilmagan.
Eddi Myorfi
2006-yilda komediyachi Spice Girls guruhining sobiq a’zosi Melani Braun bilan ishqiy munosabatda bo‘ladi. Afsuski, sevgilisining homiladorligi Myorfini xursand qilmaydi. Qizi Enjel tug‘ilgandan so‘ng, Melani aktyordan otalik testini o‘tkazishni talab qiladi, chunki Myorfi bolani tan olmaydi. Ma’lum bo‘lishicha, qiz Eddining qizi ekan.
Biroq bu aktyorga ta’sir qilmaydi va u qizini tarbiyalashda ishtirok etmaydi. Bir necha yil o‘tgach, Myorfi qizini tan olib, Braunga 7 million funt sterling miqdorida tovon to‘lashga majbur bo‘ladi. Ammo aktyor hali ham Enjel bilan gaplashmaydi.
Arnold Shvarsenegger
2011-yilda aktyorning Mildred Bayenadan Jozef Bayena ismli noqonuniy o‘g‘li borligi ma’lum bo‘ladi. O‘sha paytda Shvarsenegger Mariya Shrayverga uylangan, u bilan to‘rt farzandini tarbiyalayotgandi. Noqonuniy o‘g‘il haqidagi ma’lumotlar Shvarsenegger va Shrayver ajrashgandan keyingina paydo bo‘ladi.
Arnold o‘g‘lini tarbiyalashda ishtirok etmaydi. Jozef ulg‘aygach, aktyor o‘zining xatti-harakati uchun undan omma oldida kechirim so‘rab, o‘g‘li bilan munosabatlarini yaxshilash istagini bildiradi.
Alen Delon
1962-yilda qo‘shiqchi Niko aktyordan birinchi farzandi — o‘g‘li Kristian Aaron Bulonni dunyoga keltiradi. Ammo Delon bolani tan olmaydi. Bolakay onasida qoladi, ammo keyinchalik Kristianni Delonning onasi Edit va uning ikkinchi eri Pol Bulon asrab oladi. Bola buvisining familiyasini oladi. Aaron 2023-yilda giyohvand moddalarni haddan tashqari ko‘p iste’mol qilgani tufayli vafot etadi.
Izoh (0)