Qozog‘iston prezidenti Qosim-Jo‘mart To‘qayev atom elektr stansiyasi (AES) qurilishi bo‘yicha referendum sanasini e’lon qildi.
Bu haqda respublika parlamenti ikki palatasining yig‘ilishida ma’lum qilingan.
“6-oktyabr kuni referendum bo‘lib o‘tadi”, dedi To‘qayev Qozog‘iston xalqiga murojaati chog‘ida.
Bir hafta oldin hukumat ushbu masala bo‘yicha Energetika vazirligi loyihasini qabul qilgandi.
Prezident imzo chekkan va sana e’lon qilinganidan keyin hujjat Markaziy saylov komissiyasiga (MSK) yuboriladi. O‘z navbatida, MSK referendumga tayyorgarlik ko‘rish bo‘yicha ish boshlaydi.
Qayd etish joizki, Qozog‘istonda atom elektr stansiyalarini qurish bo‘yicha to‘rtta kompaniya o‘z texnologiyalarini taklif qilmoqda: Xitoyning CNNC, Koreyaning KHNP, Rossiyaning “Rosatom” va Fransiyaning EDF kompaniyalari.
Avvalroq atom elektr stansiyasi qurilishiga sarflanadigan kapital xarajatlar 10 milliard dollardan 15 milliard dollargacha bo‘lishi mumkinligi xabar qilingandi.
Izoh (0)