Qozog‘istonning Ko‘kshetov shahrida ota 9 yoshli qizini osilgan holda topdi. Bu haqda Oqmo‘la viloyati politsiyasiga tayanib, ZTB News xabar berdi.
Holat yuzasidan tergovga qadar tekshiruv harakatlari olib borilmoqda. Mazkur voqea tafsilotlari, shuningdek, qanday modda bo‘yicha ish qo‘zg‘atilgani oshkor etilmagan.
“Qozog‘iston Respublikasi Jinoyat-protsessual kodeksining 201-moddasiga muvofiq boshqa ma’lumotlar oshkor qilinmaydi”, deydi Oqmo‘la viloyati politsiyasi.
Ta’lim boshqarmasiga ko‘ra, qizning jasadi uyidan topilgan. U ko‘p bolali oilada tarbiyalangani, uchinchi sinfda o‘qigani aytilmoqda. Bir oydan keyin u 10 yoshga to‘lishi kerak edi.
“Qizning osilgan jasadini otasi aniqlagan. U qizini kasalxonaga o‘zi olib borgan. Afsuski, mo‘jiza yuz bermadi. Uchinchi sinf o‘quvchisini nima va qanday sabab sirtmoqqa undagani noma’lum”, deyiladi Nayza Kokshe nashri xabarida.
Shuningdek, qiz shahardagi birorta ham poliklinikaga biriktirilmagani aytilmoqda.
Izoh (0)