Andijon viloyati Oltinko‘l tumanida harakatlanib ketayotgan KIA Bongo yonib ketdi. Bu haqda viloyat YHXB xabar berdi.
Unga ko‘ra, 27-avgust kuni soat 21:50 larda 1971-yilda tug‘ilgan V.E. o‘zining boshqaruvidagi KIA Bongo rusumli avtomashinasida, Oltinko‘l tumani “Katta Oqtepa” mahallasi hududidan o‘tgan 4R-112 Andijon—Namangan magistral yo‘lining Andijon yo‘nalishi bo‘ylab harakatlanib ketayotgan vaqtida qisqa tutashuv sodir bo‘lgan.
Oqibatda yuzaga kelgan nosozlik sababli mashina yonib ketgan. Ko‘rilgan tezkor choralar natijasida ushbu yong‘in to‘liq bartaraf etilgan. Hodisada tan jarohati olganlar yo‘q.
Mazkur holat bo‘yicha tergovga qadar tekshiruv harakatlari tuman FVBning mas’ul xodimlari tomonidan olib borilmoqda.
Izoh (0)