Андижон вилояти Олтинкўл туманида ҳаракатланиб кетаётган KIA Bongo ёниб кетди. Бу ҳақда вилоят ЙҲХБ хабар берди.
Унга кўра, 27 август куни соат 21:50 ларда 1971 йилда туғилган V.Э. ўзининг бошқарувидаги KIA Bongo русумли автомашинасида, Олтинкўл тумани “Катта Оқтепа” маҳалласи ҳудудидан ўтган 4Р-112 Андижон—Наманган магистрал йўлининг Андижон йўналиши бўйлаб ҳаракатланиб кетаётган вақтида қисқа туташув содир бўлган.
Оқибатда юзага келган носозлик сабабли машина ёниб кетган. Кўрилган тезкор чоралар натижасида ушбу ёнғин тўлиқ бартараф этилган. Ҳодисада тан жароҳати олганлар йўқ.
Мазкур ҳолат бўйича терговга қадар текширув ҳаракатлари туман ФВБнинг масъул ходимлари томонидан олиб борилмоқда.
Изоҳ (0)