Шимолий Корея етакчиси Ким Чен Ин қуруқлик ва денгиздаги нишонларни йўқ қилишга мўлжалланган янги дронларни синовдан ўтказишга шахсан раҳбарлик қилди. Бу ҳақда KCNA хабар берди.
Синов давомида дронлар олдиндан белгиланган парвоз йўналишларига амал қилган ҳолда нишонларни аниқлаб, уларни йўқ қилган. Ким Чен Ин урушга тайёргарликда турли хил дронларни ишлаб чиқиш ва уларнинг жанговар имкониятларини ошириш муҳим рол ўйнашини айтган.
У дронларни ривожлантириш ва ишлаб чиқаришни кучайтириш зарурлигини таъкидлаб, уларни жанговар қўллашни янада интенсивроқ синовдан ўтказишга ва ҳарбий бўлинмаларни янги технологиялар билан тезда жиҳозлашга чақирган.
“Биз нафақат стратегик разведка дронлари ва кўп мақсадли ҳужум дронларини, балки тактик пиёда бўлинмалари ва махсус кучлар учун турли хил камикадзе дронларни ҳам фаол равишда ишлаб чиқишимиз ва уларнинг ишлаб чиқарилишини кўпайтиришимиз зарур”, дейди Ким Чен Ин.
-ujlzN0fr.jpg)
Шимолий Корея етакчиси мамлакатнинг ярим оролда жойлашган географик ўрни туфайли нафақат ядро торпедаси каби сув ости стратегик қуролларини ҳам “тўхтовсиз” ишлаб чиқиш зарурлигини таъкидлаган. Шунингдек, уларни яратишда сунъий интеллект технологияларини фаол қўллаш кераклигини айтган.
Ким Чен Ин ишлаб чиқарувчилар олдига вазифалар қўйиб, уларни амалга ошириш йўлларини кўрсатиб берган.
Изоҳ (0)